МАМАНДЫҚ ТАҢДАУ МЕКТЕП ПАРТАСЫНАН БАСТАЛАДЫ

Кейбір айтқыштардың сө­зіне сенсек, адамның  бола­шақ­та кім болатындығы оның тағдыр жазуымен қатар пеше­несіне жазылатын көрінеді. Өз кәсібіне шексіз берілген адам­дарға қарасақ, солай шығар деуге болады.  Бірақ арамызда әр кәсіптің тізгінін бір ұстап,  берекелі жұмыс істей алмай­тындар да  кездеседі емес пе, сонда олардың пешенесіне қай мамандық иесі болатын­дық­тары жазылмағаны ма  деген  де ойға қаласың.

Қалай десек те, мамандық әр адамның өмір-тіршілігінің  негізі, отбасының нәсібі, бақ-дәулеті, ырысы екендігі даусыз. Ал сол дәулетке адаспай қол жеткізу үшін  мамандықты ерте кезден, демек, мектеп қабырғасында жүргенде-ақ шын жүректен  таңдап, соған қарай бейімделіп,  сол мамандыққа қажетті  пәндерді жетік меңгеру міндетті болса керек.  Алматы қалалық Жұмыспен қамту орталығы жуырда тағы бір жаңа бастаманы қолға алып, мектеп оқу­шыларына мамандықты дұрыс таңдау­ға қажетті бағыт-бағдар беруге бағыт­талған іс-шараларды қолға алды.  Жастарға кәсіптік бағдар беруді қолға алған орталықтың жауапты мамандары кәсіптік бағдар беру бөлімінің жетек­шісі Керімқұл Жекетаев пен жетекші маман Еркеш Жақыпова жақында Бостандық ауданындағы №22 мектеп-гимназияның жоғары сынып оқушы­лары­мен кездесу өткізді. Оқушыларды еркін сұхбатқа шақыра отырып, орталық қызметкерлері оқушылардың 15 пайызының ғана «кім болам?» деген сауалға нақты жауап бере алатынды­ғына, ал қалған 85 пайызының әлі өз болашағына қажетті мамандық таң­дауға тоқтал­маған­дарына көз жеткізді.

– Он алты-он жетіге келіп қалған жасөспірімнің әлі күнге дейін кім болатындығын болжай алмауы  ой­лан­дыратын мә­селе, – дейді осы кез­десуді ұйымдас­тыруға ұйытқы болған  қалалық Жұмыспен қамту орталығы­ның  кә­сіп­тік бағдар беру бөлімінің жетекшісі  Керімқұл Жәкетаев.

Кездесу бары­сында орталық ма­мандары оқушы­ларға мамандық таң­даудың маңыз­дылығын, қазіргі уақыттағы сұра­нысқа ие мамандық түрлері туралы айтып, оқушылар та­ра­­пынан қойыл­ған сауалдарға жауап берді. Оқушы­ларға мамандық таң­дауға нақты бағыт беретін 30 сұрақ жазылған сауал­нама тараты­лып, оқушылар «Кім болам?» деген тақырыпта шығар­ма жазды. Оқу­шыларға кәсіп­тік бағдар беру жұмыс­тарын орталық қызметкерлері жаңа оқу жылының аяғына дейін қала­мыздағы барлық мектептерде өткізуді жоспарлап отыр.

Нұржамал ТЕГІНБАЙҚЫЗЫ, Алматы ақшамы