Бүлдіршіндер білім ордасына қадам басты

Алматы қаласындағы іргелі білім ордасының бірі – №176 мектеп-гимназиясында Білім күніне орай «Мен – өз елімнің патриотымын» атты салтанатты жиын өтті. Шара барысында Елбасымыз Н.Назарбаевтың «Болашаққа бағдар – рухани жаңғыру» атты бағдарламасы өскелең ұрпаққа насихатталып өтті. Қазақстан Рес­пуб­ли­касының Мемлекеттік Туын алып шыққан Руслан Сатыбалды, Жаңылай Ғұбай­дулла Аружан Сайлаубек сынды 11-сыныптың оқушылары сахна төрінен табылды. Сондай-ақ, ҚР Мемлекеттік Гимнін қосыла шырқаған мектеп оқу­шыла­рының жүздерінен туған елге деген құрмет пен сүйіс­пеншілікті айқын аңғаруға болады.                                          Ұлағатты ұстаз Жұпаргүл Дүсебекова шәкірттерімен Алғашқы құттықтау сөзді мектеп-гимназияның директоры Гүлбағда Әденова алып, оқушыларды білім мере­кесімен құттықтап, өткен оқу жылындағы мектеп ұжымының сала барысында жеткен жетіс­тіктерін тілге тиек етті. Бегімай Тәңірберген, Қосан Нұрсәт, Әлихан Насуралов, Әділет Өрісбек, Мерей Базарбаева, Ернұр Сағымбеков, Аия Мұқанбетқалиева сынды мектеп табалдырығын енді ғана аттаған бүлдіршіндер тақпақ айтып, өздерінің балдай тәтті был­дыр­лаған тілімен көпшілікті тәнті етті. Білім жолына қадам басқан ба­лапандарды алғашқы ұс­таздары да қуанышпен қарсы алды. Қазақстан Респуб­лика­сының білім беру ісінің құрметті қызметкері, «Білім көшбасшысы» төсбелгісінің иегері Бейбітгүл Сергебаева, «Шығармашыл ұстаз» төсбел­гісінің иегері, математика, логика оқу құралдарының авторы Гүлнар Сәлімханова, «Алаш ұстазы» республикалық журналы алғыс хатымен, «Қазақ ұстаздары» 1-дәрежелі дипломымен марапатталған, білім саласында 32 жылдан бері еңбек етіп келе жатқан тәжірибелі маман Жұпаргүл Дүсебекова, «Бастауыш сынып бағдарламаларының» авторы, «Білім көшбасшысы» төсбел­гісінің иегері Бағымгүл Асқарова, математикадан 3-сыныптарға арналған электронды оқулықтың және 4 сынып оқушыларына арналған математикалық тест жинақта­рының авторы Гүлбақыт Нұрлыбаева, жобалық зерттеу жетекшісі, бастауыш сыныптар бойынша аудан­дық, қалалық, халықаралық мара­паттаулардың иегері Нұргүл Мұхамеджанова, жас маман Ақбота Көкшегір сынды ұлағатты ұстаздар бірінші сынып оқушыларына жетекшілік етіп, төрт жыл бойы білім нәрімен сусындатпақ. Жиын барысында білім орда­сының өнерлі өрендері салған әсем әндер, шараның шырайын кіргізе түсті. Осынау қуанышты күні алғаш­қы қоңырауды соғу құрметі 1-сынып оқушылары Иман­ғали Нұрғалиұлы, Ханерке Құсаи­новаларға және 11-сыныптың үкілеген үздіктері Ернар Қабиев мен Адель Төлбасыға бұйырды. Салтанатты кеш соңын­да бірінші сыныптың балдыр­ғандарын ұстаздары қолдарынан жетектеп, алтын ұя мектебіне кіргізді. Ендеше, балғындардың білім жолына бастаған қадамдары құтты болсын! Шығар шыңдары қашан да биік болсын! Гүлмира САДЫҚ qazaquni.kz