Астана әуежайында "Сөмкемде бомба бар" деп қалжыңдаған Ауғанстан елшісі қамауға алынды

Астана әуежайында Кабулға қайтып бара жатқан Ауғанстанның Қазақстандағы бұрынғы елшісі Мохаммад Фарук Баракиді орынсыз қалжыңдағаны үшін тергеуге алынды деп хабарлайды NUR.KZ.

Мохаммад Фарук Бараки туған еліне қайтуға бет алған, алайда ол әуежайда орынсыз қалжыңдап, келеңсіз жағдай туғызған деп жазады Afghanistan.ru.

Кеденшілердің "Сөмкеңде не бар?" деген сұрағына ол: «Бомба», - деп жауап берген.

Абайсызда айтылған сөз бұрынғы елшіні үлкен қиындыққа алып келеді.

Сол мезетте әуежайға кірер есіктердің бәрі жабылып, оқиға орнына арнайы жасақтың 100 сарбазы шақыртылған. 3 сағаттың ішінде дипломат тәртіп сақшыларының қолында болады.

Тек аталмыш іске Қазақстанның ІІМ қызметкерлері арласқаннан кейін ғана Баракиді босатқан.