Нұрлан Ноғаев атыраулық сәбилердің тұсауын кесті (ФОТО)

[caption id="attachment_66693" align="aligncenter" width="561"]Нұрлан Ноғаев Нұрлан Ноғаев[/caption]

Атырау облысының әкімі Нұрлан Ноғаев атыраулық сәбилердің тұсауын кесті. Тұсау кесу рәсімі облыс орталығында өткен Наурыз мерекесін тойлау кезінде өтті.

Бұл туралы Қазақ үні порталы хабарлайды.

Сәбилердің бірінің тұсауын ала жіппен, енді бірінікін тоқ ішекпен кескен аймақ басшысы бұл ырымдардардың мағынасын түсіндіріп берді:

Ала жіппен кескеніміз – ешкімнің ала жібін аттамасын, еліне адал қызмет қылсын деген ниетіміз, ал тоқ ішекпен кескеніміз – елі, халқы тоқ болсын, отанынан ырыс кетпесін дегеніміз, – деді Нұрлан Ноғаев.

Аймақ басшысы тұрғындарды жаңа жыл мерекесімен құттықтап, елге бақ-береке, ырыс пен ынтымақ тіледі, экономикалық-әлеуметтік өрлеудің жалғаса түсуі үшін атыраулықтарды бір болып еңбек етуге шақырды.

Орталық алаңда өткен театрландырылған концертте сахна төрінен Алаш арыстары Әлихан Бөкейханов, Ахмет Байтұрсынов, Міржақып Дулатов, Халел Досмұхамедовтер, Қазтуған жырау, Исатай мен Махамбет батырлар, Қазақ хандығының негізін қалаған Керей мен Жәнібек хандар, ел үшін қызмет еткен басқа тарихи тұлғалар тұрғындарды жаңа жылмен құттықтады.