Ақтөбе облысында тергеуші сотталушының әйелін төсек қатынасына мәжбүрлеген

Есірткі бизнесімен күрес басқармасының 30 жастағы тергеушісі Сұлтан Сырлыбайұлы қызметтік бабын асыра пайдаланғаны үшін сотта жауапқа тартылуда. Бұл туралы NUR.KZ порталы aktobetimes.kz сайтына сілтеме жасап хабарлайды.

"29 наурыз күні біздің пәтерде тінту жүргізілді. Үйімізден жарты келі марихуана мен екі ұялы телефон табылды. Сонымен қатар 323 мың теңгеміз бар еді. Оның ішіндегі 300 мың теңгені  мен жинағанмын. Сырлыбайұлы менен бар ақшаны кері қайтарып алдым деген қолхат жазсам ғана күйеуім төрт жыл шартты түрде алатынын айтты. Ол ақшамның тек 140 мыңын қайтарды. Бұл туралы тіс жарсам, күйеуімде жарты келі емес, бір келі анаша табылды деп көрсететінін айтты. Ал мені сыбайлас етіп, күйеуімді 12 жылға қамататынын айтып қорқытты. Мен амалсыз келістім", - дейді зардап шегуші Сандыбаева.

Сандыбаева офицердің оны төсек қатынасына мәжбүрлегенін жайып салды. Әйел кәсіби массаж жасаушы ретінде жұмыс істейді. Екі жоғары білімі бар. Ол Сырлыбайұлының күн-түн демей массаж жасауды желеу етіп, үйіне шақыртумен болғанын айтуда.

"Бұл адаммен төсек қатынасына түсуге мәжбүр болдым. Ол өз дегеніне жетті. Мен айқайлап, тырнағымды батырған емеспін. Қасқыр болсам, оны қырып тастар едім. Алайда мен бәрін заң басқаратын адамдар әлеміненмін. Ал ол - билік өкілі. Осындай адамдар қалағанын жасайтыны қорқынышты. Оларға бәрі рұқсат етілген", - деп күйінді әйел.

Ал полицейдің тарапынан куәлік етушілер Сандыбаева күйеуін жеті жылға түрмеге жауып тастағаны үшін өш алуда дегенді алға тартты.