Алматыда Сирияға аттанбақ болған екі салафит 6 жылға сотталып кетті деп хабарлайды muslim.kz.
Алматы облысында теріс пиғылды салафит ағымының жетегінде кеткен 1986 жылы туған Бейбіт Ахметжанұлы Жүсінов пен 1973 жылы туған Бауыржан Айтбекұлы Мұхамеджанов Қылмыстық кодекстің 2 бабы, 256 бөлімі және 1 бабы, 174 бөлімі бойынша қылмыс жасағаны үшін айыпты деп танылып, 6 жылға бас бостандығынан айырылды.
Алматы облысы Қарасай аудандық сотының үкімі бойынша қылмыскерлер жазасын қатаң режимдегі колонияда өтейтін болады.
Тергеу барысында анықталғандай, Б.Жүнісов пен Б. Мұхамеджанов өздерінің діни білімін кеңейту мақсатында әртүрлі діни уағыздар жасайтын сайттарға кіріп отырған. Олардың арасында террористік ұйым ретінде тыйым салынған Ирак пен Ливан Ислам мемлекеті (ДАИШ) тарататын сайттар да бар.
Нәтижесінде ДАИШ идеяларына шырмалған олар Ислам мемлекетін күшпен орнатуға, яғни «Халифаттық» идеясы үшін күресуге үлкен мән бере бастайды. Тіпті зайырлы өмір салтын жоққа шығарып, террористік ұйымдарға қосылып, ұрыстарға қатысу үшін Сирияға баруды да ойластырған. Әлеуметтік, діни алауыздықты қоздыруға соқтыратын әрекеттерге барып, терроризм идеологиясын үгіттеген.
«Қарасай аудандық соты оларды айыпты деп танып, жазаларын қатаң режимдегі колонияда өтеу үшін алты жылға бас бостандықтарынан айырды» делінген баспасөз баянында.
