Мәдениет министірін айыптаған режиссерді сот кінәлі деп тауып, айыппұл салды

2016 ж. 25 қазан

4713

0

Мәдениет және спорт министрі Арыстанбек Мұхамедиұлын айыптаған режиссер 1 миллион теңге айыппұл төлейді, деп хабарлайды Baq.kz.

Картинки по запросу талгат жанибеков

Сот Талғат Жәнібековті кінәлі деп таныды, деп мәлімдеді Астана қалалық сотының баспасөз қызметінен.

Естеріңізге сала кетсек, осы жылдың 11-12 шілдесінде режиссер Талғат Жәнібеков ғаламторда Мәдениет және спорт министрлігінің құзыреттілігіне және аталған мекеме басшысы Арыстанбек Мұхамедиұлына қатысты бейнеролик жариялаған болатын.

Арыстанбек Мұхамедиұлы, өз кезегінде, Талғат Жәнібековті ҚР ҚК 130 бабы 3-бөлігімен қылмыстық жауапкершілікке тарту үшін жеке айыптау тәртібімен сотқа жүгінді. Сот Т.Жәнібековтің БАҚ арқылы жариялаған ақпараты шындыққа жанаспайтынын, Арыстанбек Мұхамедиұлының абыройы мен қадiр-қасиетiне нұқсан келтiргенін, оның беделiн түсiретiн көрiнеу жалған мәлiмет екенін анықтады.

25 қазанда Сарыарқа ауданының №2 аудандық соты ТЖәнібековті кінәлі деп таныды және оған 500 АЕК мөлшерінде (шамамен 1 млн теңгеден астам) айыппұл салды.