САЛАФИТТЕРМЕН ТҮЙЕҚҰС СЕКІЛДІ КҮРЕСІП ЖАТЫРМЫЗ…

2
1510

Өзіне қауіп төнгенде түйеқұс басын құмға тыға қояды екен. Алып денесі сыртта қалғанында шаруасы жоқ, «өзін тығылып тұрмын» деп ойлайтын болса керек. Біздің бүгінгі таңда елдің берекесін алып, талай азаматымызды ажал құштырған салафизм ағымымен күресіміз дәл сол түйеқұстың қылығындай көрінеді.

Біріншіден, салафизммен күрес сақал қиып, балақ ұзартумен жүрмейді. Көшеден оларды ұстап алып, қамаған сайын, ыза туғызып кектене беретінін ескерсек, біздің шенділер өте қауіпті жолды таңдағанын көресіз.

Екіншіден, қазір Сирияға жиһад жасауға кетіп, оралып жатқандардың бәрін түрмеге тоғытып жатырмыз. Олар сол абақтыдағы азаматтарды улап жатуы әбден мүмкін жағдай.

Үшіншіден, кеше Ақтөбеде жат ағымның жетегінде кеткен он жігіт әскер қатарына алынбағаны хабарланды. Арнайы комиссия олардың діни көзқарастарынан қорқып іріктеуден өткізбеген көрінеді. Радикалдардың қорғаныс саласына кіріп, іріткі салуынан қорыққан құзырлы органдар күзгі шақырылымға келгендерді жіті сүзгілеуде екен. Отан алдындағы борышын өтеуге міндетті жастарды медициналық тексеруге шақырмастан бұрын жеке істерін тексеріліпті. Егер Ұлттық қауіпсіздік комитеті мен Ішкі істер департаментінің тізіміне іліккендер болса әскерге жолатпайды. Биылдыққа он жігіт экстремистік ұстанымдары үшін, тағы бірі баптистердің уағызшысы болғандықтан әскерден шеттетілген.

Сонда біздің құзіретті органдар он жігітті әскерден шеттету арқылы салафизммен күреспек пе?

Салафизммен күрес бұлай жүрмеуі керек? Біріншіден, салафизмді астыртын қолдайтын Ресей, Түркия, БАӘ секілді елдерден келетін қауіпті сүзгіден өткізген дұрыс. «Олармен саяси қарым-қатынас қалай болғаны жөн, салафизмді тежеу үшін қандай қадамдар жасау керек?» деген секілді сұрақтарға ғылыми тұрғыда  жауап берілуі қажет.

Екіншіден, түрмедегі діни фанаттарды оқшаулап ұстау мәселесі қолға алынып, олардың бетін бері қаратудың кешенді жұмысы жүргізілгені жөн.

Үшіншіден, еліміздегі осы ағымды қаржыландыратын орталықтар анықталып, салафиттердің серкелері заң алдында жауап беруі керек.

Төртіншіден, Дін істері министрлігі мен Діни басқарма салафиттік бағыттағы уағыз жүргізушілерді тізімге алып, олардың уағызы әлеуметтік желілерде таралмауын қадағалау қажет.

Бесіншіден, мемлекеттік қызмет пен ақпарат құралдарында еңбек етіп жүрген барлық азаматтардың сенімі тексеруден өтіп, қауіпті жолды таңдағандар қызметтен аластатылуы қажет.

Алтыншыдан, салафизммен күрес Ақтөбеде ғана жүрмеуі тиіс. Қазақстанның бүкіл аумағында салафизмнің қатері жайлы түрлі жиындар ұйымдастырылып, қажет болған жағдайда көшелерге үнпарақтар ілінуі керек.

Осы аталған күрес жолын таңдай алмасақ, біз салафизм ағымын қолдайтын ел болғанымыз. Шындығын айтайық, қазіргі жат ағыммен күресіміз түйекұстың қылығындай күлкіні келтіреді. Үлкен қалаларда бізді қорғайды деген ішкі істер департаменттерінің ғимараттары тас қорғанмен қоршалып жатыр. Бұл түйеқұстық емей немене?

Шәріпхан Қайсар

Abai.kz

2 ПІКІРЛЕР

  1. «Салафизммен күрес». Шәріпхан, сіз алдымен «салаф», «салафші»
    деген ұғымдардың мәнін білесіңіз бе, не болмаса білуге талпынып көрдіңіз бе? Сіз сәәл ізденсеңіз экстримизм, терроризмге қарсы біз секілді сөзбен емес, қарумен қанды соғыс жүргізіп жатқан Шешенстан «салаф» ұғымына кір жұқтырмағанын көресіз. «Неге» деп ойлануымыз керек шығар? Ойланыңыз.»Салафистерге тыйым салу» деген сөз Әбу Ханифаға және ол секілді сол заманның ғалымдарына да тыйым салу деген сөз. «Салаф» -дегеніміз алдыңғы ізгілер, яғни сахабалар мен табиғиндер /сақабаларды көргендер/ және табаға табиғиндерде /табиғиндерден ілім алғандар/. Ал имамымыз әбу Ханифа солардың қатарынан. Бұл аксиома. Бірақ, біздегі бізде исламның түзу жолмен дамуын көздемегендер және бізде дінді бүлікке ұрындырып ертең кез-келгенді жауапқа тарту мүмкіндігін орнатқысы келгендер, әрі сыртқы күштердің тапсырмасын орындайтындар осы «дін бүлігін» жүргізіп отыр. Енді бұған тықыр таянған гүленшілерді қосыңыз. Осының бәрі алып келіп салафизим арқылы діни тұрақтылығымызды шайқалту арқылы өздерінің көздеген мақсаттарына жетпекші. Сонымен шешендер не дейді. «Последователи суфизма в Чечне назвали ваххабитов ненастоящими салафитами, при этом заявив о готовности к диалогу с ними.
    Как сообщает «Грозный-информ», на форуме присутствовал глава Чечни Рамзан Кадыров, муфтии Чечни и Ингушетии Салах Межиев и Иса Хамхоев.и на опасность раскола внутри уммы (мусульманской общины).
    В ходе форуме была принята резолюция, авторы которой указали на опасность раскола внутри уммы (мусульманской общины).
    В документе последователи ваххабизма называны»псевдосалафитами», деятельность которых опасна для ислама и мусульман.
    Участники встречи заявили, что «всеми силами готовы бороться» с угрозой в лице «прямо или косвенно сочувствующих либо поддерживающих ваххабизм и ему подобные течения».
    В то же время, авторы резолюции заявили о готовности вести диалог с «псевдосалафитами» с целью доказать их «ошибочную идеологию» и призвать «к ответу по законам шариата».
    Ал «салафиттермен күресу– ислам дінімен күресу, жауларымызға керегі осы, ал бізге бұл керек пе? Терроризм, экстримизммен күресте ТМД аумағындағы ең белсенді әрі мол тәжрибеге ие ел Шешенстанның өзі ваххабиттермен аянбай күресіп, оларды және өзге экстримистік ағымдарды «псевдосалафит» деп айыптап салафизмді ондай ағым, топтардан бөліп қарастырады. Ал біз Абай атамыз айтқандай «көп наданның » дүрмегіне еріп «салафизмге» тыйым салу деп даурығамыз деп, шын ылаң салып жүрген экстримист «тозақтың иттері » деп аталған хауариждарды, псевдосалавитші такфиршілердің артына шам алып түспей, оларға жағдай жасап отырмыз. Міне, нағыз террористер осылар екендігін білсе де Қайрат Жолдыбай бұлар жайлы жақ ашпайды. Неге? Бұл гүленшілердің тапсырмасы. Сонда салафит деген кім десең, қиылған балақ пен өскен сақалды көрсетеді, одан қалса «аминді» айтатындарды, қысқасы сыртқы көрініс, ары кетсе «олар басқаша ойлайды» дейді. Шәріпхан сіз » күрес сақал қиып, балақ ұзартумен жүрмейді. Көшеден оларды ұстап алып, қамаған сайын, ыза туғызып кектене беретінін ескерсек, біздің шенділер өте қауіпті жолды таңдағанын көресіз.» дегендей, олардың мақсатты саясаты, елді соған жеткізбекші, сөйтіп алдын 100000-даған сақалы барлар мен балағы қиылғанды, кейін «жер» деп шыққан балағы ұзын, сақалы қысқаларды, кейін оппозицияны жақтаушы намазхаанды, одан қалса үйінде намаз оқитын туысы бар оппозиционерді — салаф деп ұстауға негіз болады, себебі олардың бәрі мұсылмандар, яғни салаф әбу Ханифаның соңынан ерушілер. Сондықтан Шәрпхан бауырым, арампиғылды стратегтердің көп наданды шулатхан өтірігін емес — ақиқатты танып айтуға тырысшы, сонда өзіңді де, елді де құтқаруға болады..

Пікір жазу

Пікіріңізді енгізіңіз!
мұнда сіздің атыңызды енгізіңіз