Қазақстанда жаңа Нұркент қаласы пайда болады
2016 ж. 20 қыркүйек
2687
3
Қазақстанда жаңа Нұркент қаласы пайда болады. 19 қыркүйекте президент Нұрсұлтан Назарбаев қаланы дамытудың бас жоспарымен танысты деп хабарлайды Ақорданың баспасөз қызметіне сілтеме жасап NUR.KZ.
Елбасы Талдықорғандағы Жастарға қызмет көрсету орталығында көп функционалды залды аралап көріп, онда Талдықорған мен Нұркент қалалары дамуының бас жоспарларымен, сондай-ақ Жаркент-Қорғас агломерациясының қала құрылысы тұрғысынан дамуының кешенді жобасымен танысты.
Today.kz-ке Алматы облысы әкімдігінің хабарлауынша, жаңа қала Панфилов ауданындағы Қазақстан-Қытай шекарасында орналасатын болады. Болашақта бұл қалада 100 мыңнан аса адам тұрады деп күтілуде.
