Жыл басталғалы бері шенеуніктер 3,6 млрд теңге шығын келтірген

Ағымдағы жыл басталғалы бері қазақстандық шенеуніктер ел бюджетіне 3,6 млрд теңге шығын келтірген.

Қазақстанда жыл басынан бері қазынадан 3,6 млрд теңге ұрланған
Бұл туралы Астанадағы ОҚК алаңында Жемқорлыққа қарсы күрес ұлттық бюросының департамент басшысы Есқали Саламатов мәлімдеді деп жазады Skifnews.kz. "Жыл басынан бері жемқорлыққа қарсы қызметтің сотқа дейінгі тергеу тізіміне 1097 іс тіркелген, олардың 87 пайызы жемқорлық бабына қатысты қылмыстар. Заңсыздықтардың көбісі (38%) пара алу ретінде орын алған. Сондай-ақ, қызметін асыра пайдалану (4%) және жалған құжат әзірлеу (12%) сынды құқық бұзушылық түрлері де аз емес. Жемқорлық қылмысы бойынша ел қазынасына барлығы 3,6 млрд теңге шығын келген. Олардың 2 миллиард теңгесі кері қайтарылды. Сонымен қатар, шығынның орнын жабу үшін жауапты тұлғалардың 2,4 млрд теңгеге бағаланған мүліктеріне бұғат қойылды", - деді Саламатов журналистермен болған кездесу барысында. Оның айтуынша, Қазақстан әлемдегі ең жемқор елдердің тізімінен әлі де болса шыға алар емес.
 Дереккөз: Nur.kz