Алдағы көктемде бензин бағасы қымбаттауы мүмкін

Қазақ мұнай және газ институты директорының орынбасары Акбар Тоқаев Қазақстандағы жанармай бағасының қымбаттауы мүмкін екенін жоққа шығармады деп хабарлайды ҚазТАГ-қа сілтеме жасап NUR.KZ.

Көктемде Қазақстанда жанармай бағасы қымбаттауы мүмкін

«Мұнай бағасының тұрақтылығы, Қазақстандағы жанармай бағасының төмен деңгейі, отын бағасын көтеру туралы Венесуэла қабылдаған шешімі және Ресейдің салық саясаты біздің еліміздегі жанармай бағасының көктемде қымбаттауына ықпал етпек", - деп атап өтті Тоқаев ҚазТАГ-қа берген пікірінде.

Маманның айтуынша, мұнай бағасының төмендеуі әлемдік шеңберде 2014 жылдың аяғында - 2015 жылдың басында байқалды.

«Кейіннен мұнай өңдеу маржасының құлдырауы басталып, өзге факторлардың әсері ұлғая берді. Нәтижесінде, Қазақстанмен жиі салыстыратын Канаданың өзінде жанармай бағасы 2015 жылы бір түсіп, бір көтерілді», - деп ескертті сарапшы.

Тоқаевтың пікірінше, Қазақстанда жанармай құнын көтеру туралы шешім қабылданса, АИ-92 маркалы жанармайдың бағасы кем дегенде 10 теңгеге қымбаттайды.

«Бірақ, халықтың сатып алу қабілеті де ескеріледі", - деп қорытындылады сөзін Тоқаев.
Дереккөз: Nur.kz