Жол-патрульдік полицейі пара алу үстінде ұсталды

Ақмола облысында  жол-патрульдік полициясының қызметкері пара алу үстінде ұсталды.

photo_4658Бұл туралы облыстық ІІД баспасөз қызметінен хабарлады.

«Ақпанның 14-і күні сағат 15:15 минут шамасында Степногор қаласы автовокзалы ғимаратының ішінде 42 жастағы жергілікті тұрғыннан 100 мың теңге көлемінде пара алмақ болған жол-патрульдік полиция ротасының қызметкері қолға түсті. Аталған жол-патрульдік полиция қызметкері мас күйінде көлік басқарған жүргізушіні әкімшілік жауапкершіліктен босату үшін ақша сұраған.

Қазіргі кезде,  23 жастағы полиция қызметкері уақытша ұстау оқшаулағышына тоғытылып,  үстінен ҚР ҚК 366-бабының 2-бөлігі бойынша қылмыстық іс қозғалды», деп көрсетілген хабарламада.

Дерек көзі: ҚазАқпарат