Ит-мысығына да баспана сұрайтындар бар
2010 ж. 10 қыркүйек
1328
1
Астана әкімі Иманғали Тасмағамбетов кәсіпкерлерге бұралқы ит-мысыққа арнап жекеменшік пана ашуды ұсынды. Бұл туралы әкім өз блогында тұрғындардың сауалдарына жауап берді.
Атап айтқанда, Темірболат деген азамат әкімнің блогына былай деп жазады: «Неліктен біз, өзімізді өркениетті халықпыз деп санай отыра, иесіз қаңғып жүрген жануарларды көшелерде өлтіреміз, неге олар үшін пана салмаймыз, оларды ауырсындырмай ұрықсыздандырмаймыз? Солардың көзін жоюға жұмсайтын ақшаны игі іске жұмсауға болады ғой. Украинада бір жануарды ауырсындырмай ұрықсыздандыру біздің ақшамен есептегенде - 500 теңге тұрады. Мәскеудің немесе Киевтің тәжірибесін неге алмаймыз? Аудандар бойынша тұрақты өткізілетін тендерлерге сүйенсек, біз бұл мақсатқа жыл сайын 6 миллион теңге жұмсайды екенбіз».
Бұл сауалға жауап берген әкімнің айтуынша, қала бюджетінде бұралқы ит-мысыққа пана салуға қаржы қарастырылмаған. «Сондықтан да, Астананың коммуналдық шаруашылығы жүйесінде ондай мекеме пайда болады, деп уәде бере алмаймын», дейді әкім.