Талғат Ешенұлы. ТУРА КЕЛЕДІ…

8
1361

Қазақ хандығының 550 жылдығының ресми логотипі – Қазақ хандығының 550 жылдығына деген көңіл, көзқарасымыздың деңгейі.

Біріншіден, мына ентаңбаға қарап отырып, осы логотипті бекіткен, бекіттірген біздің биліктің, идеологияның тізгінін ұстаған шенеуніктердің тарихи жады мен санасының жайдақтығын, мемлекет, ұлт тарихынан мақұрым екендігін, «қазақ» атаулыға қиямпұрыс, марғау, қырын қарайтынын тағы да мойындауға тура келеді.

Екіншіден, мына ентаңбаға қарап отырып, еріксіз осыны мемлекеттік мейрамның ентаңбасы қылып отырған адамдардың шығармашылық, суреткерлік, көркемдік өресіне күмәнмен қарауға тура келеді.

Үшіншіден, хандықтың тойындағы ресми іс-шараларда мына ентаңбаға қарап отырып, өтірік елжіреп-еміренуге, күшеніп отаншыл, мемлекетшіл болуға, ышқынып халықты бірлікке шақыруға тура келеді.

Төртіншіден, мына ентаңбаны теледидар мен газеттердің баттитып маңдайына жапсырып, көлгірсіп көлдей-көлдей баяндамалар жазуға, мардымсып неше түрлі мақалалар мен репортаждар жасауға тура келеді.

Бесіншіден және ең қиыны, мына ентаңбаға қарап отырып, қазақтың көк байрағының авторы, суретші, марқұм Шәкен Ниязбеков ағамыздың аруағының алдында плагиатшылардың көпе-көрнеу қиянаты үшін кешірім сұрауға тура келеді.

Осы сөзім тура келмесе, айтарсыздар…

Фейсбук парашасынан алынды

8 ПІКІРЛЕР

  1. Қарапайым әрі даралығымен ерекшеленіп тұр. Бұл тойға тек отандастар ғана емес, шетелденде бір сыпыра қонақтар келуді жоспарлап отыр, сондықтан олар бұл бейнені көргенде бірден Қазақстан тарихымен ұштастыратын болады.

  2. Шаңырақ біздің ата қонысымыздың белгісі, татулық пен бірлікті өз бойына жинаған, тура біздің 130-ға жуық ұлттың бір шаңырақ астында бейбіт өмір сүріп жатқанымыз секілді.

  3. Қыран құс дұрыс белгіленген екен, халықымыздың еркіндік пен тәуелсіздікке деген асқақ арманы бейнеленген.

  4. Тәуелсіздік алғанымызға көп болмаса да, аз жылда көп жетістіктерге жетіп отырмыз. Күн нұрындай жан-жаққа нұр-шұғыла шашып, ал бұндағы шағырақтан таралған күн бейнесі жақсы белгіленіп отыр.

  5. Өзіндік ерекшелігі мен даралығы бар логотип, бұны қолдамай, қарсы пікір білдірушілер сонда өздері қандай үлгі ұсынып, халықтың алдына алып шыға алар екен?

Пікір жазу

Пікіріңізді енгізіңіз!
мұнда сіздің атыңызды енгізіңіз