Медеу Арынбаев аяқасты мәлімдеме жасады (Фото)

6
4203

«Мен Гүлім Жүсіпбекованың «Қазақстан дауысы» финалына өткенін қаламаймын»

Астана. 5 ақпан. Baq.kz – Танымал қазақстандық эстрада әншісі Медеу Арынбаев «Қазақстан дауысы» мегажобасы шеңберінде аяқасты мәлімдеме жасады. Ол өзінің тәлімгерлерінің бірінің финалға шығуына қарсы екенін айтты. Бұл туралы «Қазақстан» республикалық телерадиокорпорациясының Баспасөз қызметі жобаны ұйымдастырушыларға сілтеме жасап хабарлады.

– Мен Гүлім Жүсіпбекованың «Қазақстан дауысы» жобасының финалына өткенін қаламаймын. Әрине, маған тәлімгер ретінде бұлай айту оңай емес. Өйткені, тобымдағы үміткерлердің бәрі маған бірдей. Дегенмен, әділін айтатын болсақ, Гүлімге қарағанда Мақсат Мақұлбековтың ән орындау шеберлігі басым, дауысы күшті, кәсіби деңгейі жоғары, – деді Медеу Арынбаев.

«Бетің бар, жүзің бар» демей тік сөйлейтін Медеу шәкіртіне көңілі толмайтынын жасырып қала алмады. Соңғы кездері Медеу мен Гүлімнің арасында түсінбеушілік туындаған көрінеді. Өйткені, тәлімгері ұсынған әнді шәкірті айтқысы келмейді екен.

«Әр тәлімгер ақтық сынға ең жүйрігін қосқысы келеді. Мен де жасырып қайтейін, ақпанның 15-де өтетін финалда Мақсатты көргім келеді. Бірақ, Гүлімнің қолдаушылары көп болғандықтан алдағы жексенбі, 8 ақпандағы тікелей эфирде тағы да Гүлім озып, Мақсат жобадан шығып қала ма деп алаңдап жүрмін. Мұндай мегажобаның ақтық сынында нағыз дүлділдер шайқасуы тиіс», – дейді Медеу Арынбаев.

Өз кезегінде Г.Жүсіпбекова тәлімгерінің жасаған мұндай мәлімдемесін түсінбейтінін айтты.  

– Мен Медеу Арынбаевты әнші ретінде сыйлаймын. Жобаның «Көрмей тыңдау» атты алғашқы іріктеу кезеңінде маған Медеу мен Нұрлан ағалар қатар бұрылғанда Медеуді таңдағанмын. «Шайқас» кезеңінде мені қолдап, жобада қалдырды. Оған ризашылығым шексіз, – дейді Гүлім. Бірақ соңғы уақытта тәлімгерін түсінбей жүргенін айтады.

– Дайындық кезінде Мақсатқа көбірек көңіл бөліп, маған мән бермейді, менімен жұмыс істемейді. Қазір әндеріме Медеу ағасыз өзім дайындалып жүрмін. Берген әнінен бас тартқаным үшін ренжіген шығар. Маған Жанар Дұғалованың әнін орындауды ұсынды. Келіспедім. Өйткені Жанардың әндері менің табиғатыма келмейді. Мақсат опера әншісі, сондықтан классикалық әндерді шырқап келеді. Неге маған жаныма жақын халық әндерін орындамасқа, – дейді Гүлім Жүсіпбекова.

gu-gu.kz

6 ПІКІРЛЕР

  1. Максаттын айтканы мүлде ұнаған жоқ.Ол опера әншісі.Бәрібірде ол өтпейді Медеуге ерегіскенде Бауыржаналға!

  2. менде қосылам гүлім жәи ортадан төмен әнші былтырда ана топаняны ослаи торғаидын ұимшлдығымен өткізген едік не болды даваи халқым ышын жүирікті таңдаиық ел боламдесең ел руға бөлінбиік ағаиндар өтсін нағыз ылайықты

  3. Медеудің айтуы дұрыс, құр даңғаза атаққа бола «балағына бит жабысқан» өнерпаз әншінің жолын байлауға болмайды. пенделікпен, әйтеуір өзіміздің Торғай жеңсін деген пиғыл дұрыс емес. Гүлім дәстүрлі әнші, осы жеткен жетістікке қанағат қылуы қажет. көптің күшімен кезеңнен кезеңге өтіп келді, Гүлімді Шахармен теңеуге болмайды, оның дауысы расымен ерек қой.Торғай елі Гүлімге тағы дауыс беріп рухын көтереді, оған дау жоқ, бірақ сол дауысымыздың біреуге кесірін тигізіп жатқанын да ескеру керек. Менің жазғанымнан Гүлім қызымның беделі түспейді, қайта ақтың ақ екенін ажыратуға көмегі болады. Бұл өмір, өмір тартыстан құралады. Сүрінесің, тұрасың, жеңілесің, жеңесің-ол өмір заңдылығы. Гүлімге осы жоба басталғалы жарты жалақымызды үй-ішімізбен жіберген шығармыз. өкініш жоқ, Торғай өнер мен білімнің, зиялы елдігін, бірлігін дәлелдей білді, енді парасаттың да бір қырынан көрініп қызымызға тоқтау салғанын қалаймын.»көршінің аты өзғанша, ауылдастың тайы озсын» деу тек пасықтықтың жұғыны.Екінші мәселе ол осы жобаның ережесі туралы, басында осы төрт азаматымызға сенім білдірдік, солар таңдау жасады, енді келіп «телекомды» байытып халықтың ақшасын текке шашып дауыспен анықтаймыз. «қазы»-ол әділдіктің биік эталоны(әділ қазы деп сөйлеу дұрыс емес, қазының әділетсізі болуға тиіс емес) сондықтан бағаны да шешімді де сол қазылар анықтауы қажет.мен ГҮЛІМНІҢ атасында көргенмін, әкесін, туыстарында танимын, бірақ бұл жерде мені осы пікірді жазуыма себеп, ол расымен, шын жүйрік көлеңкеде қалмасын деген аталық тілегім. маған салса ана әскери балаға берер едім, Мақсат ол кәсіби әнші. жалпы кәсіби мамандығы барларды, өнер сахнасында жүрген әншілерді қосу да дұрыс емес, бұл жоба тыңнан қосылған қас жүйріктерді жарыққа шығаруы қажет!

Пікір жазу

Пікіріңізді енгізіңіз!
мұнда сіздің атыңызды енгізіңіз