ОҚО әкімі жұмыс істей алмайтын әкімдерден қызметін босатуды талап етті

3
2035

Оңтүстік Қазақстан облысы жұмысын дұрыс ұйымдастыра алмаған ауыл әкімдерін жұмыстан босату керек екенін айтты. Бұл туралы облыс әкімдігінің баспасөз қызметі хабарлады.

ОҚО әкімі жұмыс істей алмайтын әкімдерден қызметін босатуды талап етті

Оңтүстік Қазақстан облысы әкімдігінің үлкен мәжіліс залында Шардара ауданының әкімі Қамытбек Айтөреев өткен жыл атқарылған жұмыстар және облыс әкімдігі тарапынан берілген тапсырмалардың орындалуы туралы есеп берді.

Жиынға қатысқан облыс әкімінің орынбасарлары, облыс әкімі аппаратының бөлім меңгерушілері мен басқарма басшылары өз салалары бойынша ауданда атқарылған жұмыстарға бағасын берді.

Айтөреевтің есепті баяндамасын талдаған облыс әкімі Асқар Мырзахметов жыл қорытындысымен ауданда құрылыс саласындағы жоспарлы көрсеткіштер өз деңгейінде орындалмағандығын атап өтіп, жауапты азаматтарға шара қолдануды міндеттеді.

Коммуналды су шаруашылығы мекемесіне құрылыс-монтаждау жұмыстарын жүргізуге құқық беретін лицензия алу мәселесін реттеуді, құбыр арқылы су берілетін елді мекен тұрғындарына су тарифінің белгілеген құнын жан-жақты түсіндіруді, Шардарадағы 72 көпқабатты тұрғын үйдің кондоминиум нысаны ретінде тіркелуін және шағын әуежай ашу жұмыстарына қажетті құжаттарды рәсімдеуді ширатуды тапсырды.

Сонымен қатар индустрияландыру бағытындағы жұмыстарды өз деңгейінде атқармаған лауазым иелерінің жауапкершілігін қарауды тапсырып, жұмысын дұрыс ұйымдастыра алмаған ауыл әкімдерін жұмыстан босатуды жүктеді.

Источник: ИА «Казинформ»

3 ПІКІРЛЕР

  1. «ШАҒЫН несиені алдық» дегізіп қоюлары да мүмкін, себебі, бұны біраз уақыт бұрын тексерткенімізде айғақтар дәлелденіп қалып, атақты «Агашка» атымен тарихта қалған жемқор жауып тастатып еді. Енді қаржы полицейлері «Шағын несие алдым» дегендердің қолынан банктың ордер көшірмесін жиып алып, санауы керек. Сонда ғана әділ тексере алады.

  2. Қазығұрт ауданы бойынша «Шағын несиенің» елге берілуін тексергенде, әрбір несие алушының мекен -жайына баруға ерінбеу керек. Сол кезде атақты монополистердің кімдердің сыртынан шағын несиелерді алып қойғаны айқындалар еді.
    Әкім Асқар мырзаның өз бауыры Абылай Мырзахметов Астанада Жекекәсіпкерлер одағының төрағасы болып отырып, төменге қарай алмай қалғандай ма, неге біздің ОҚО н кадрлық сатыларында «Бір атаның балалары» билік басына қонжиып алған? Тағы барлығы бір аудан тумалары?
    Ауылдағы әкімдердің көбі –рухани әкімдер емес, мылқау әкімдер болу себебі де балық басынан шіридінің кебін киіп қалғандықтан дер едім.

Пікір жазу

Пікіріңізді енгізіңіз!
мұнда сіздің атыңызды енгізіңіз