Қазақстанға күйе жаққан ресейлік қыз көпшіліктен кешірім сұрады

2
1861

Еуразиялық банктен жұмыстан шығып қалған ресейлік қыз Татьяна Бурнакина қазақстандықтардан кешірім сұрады. Newslab.ru сайтына ол даулы сұхбат берген болатын деп жазады Алаш айнасы.

Қазақстанға күйе жаққан ресейлік қыз көпшіліктен кешірім сұрады
Татьяна Бурнакина

«Құрметті оқырмандар! Орынды пікір жазғандарға алғыс айтамын. Өкінішке орай, тұрған елімде мен тап болған деректерді көрсету арқылы елдің ерекшеліктерін айтуым дұрыс түсіндірілмеді, кейбір жағдайларда қасақана солай жасалды. Бұл мақала «ұнату ұнатпау» мақаласы емес. Мен кездескен, өмір сүрген және жұмыс істеген ерекшеліктерге баға бермедім. Бағаны қазақстандықтардың өздері бергені және өте жағымсыз мәнде бергені өкінішті», – деді Бурнакина.

Аты Ай-дан басталатын қыздардан арнайы кешірім сұраймын, олардың Эппл өнімімен еш қатысы жоқ.

Ол Қазақстанға келген барлық адамның неге ұрынатыны туралы жазғанын айтады.

«Мен байқаған ерекшеліктер тиіп кетіп, ренжіп қалғандардан кешірім сұраймын. Аты Ай-дан басталатын қыздардан арнайы кешірім сұраймын, олардың Эппл өнімімен еш қатысы жоқ. Бұл шет тілін меңгерудің әдісі сияқты оларды еске сақтаудың тәсілі болды және жақсы көмектесті. Мақаланың бұрмаланған мәнде қолданыла беруі себепті, (әдейі де шығар, бірақ бұл жағдайды өзгертпейді) ашулы пікірлерді тоқтату мақсатында редакциядан оны өшіруді сұраймын», – деген «Еуразиялық банктің»  бұрынғы менеджері.

Еске сала кетейік, 16 қаңтарда Newslab.ru порталында Красноярск қаласында туған Татьяна Бурнакинаның сұхбаты жарияланды. Сұхбатта ол Қазақстан жайлы, елдегі жұмысының ерекшеліктері туралы айтып берді.

Әлеуметтік желілерде бұл сұхбат сан алуан пікір тудырды – қазақстандықтардың пікірі екіге жарылды: біреулер Бурнакинаның артық сөз айтқанын, ал екіншілері оның сөзінде шындық бар екенін жазды.

Оның сұхбатында қазақ аттарын жаттау әдісіне байланысты көптеген пікірлер жазылды. Сұхбатта ол қазақ аттары жайлы былай деген еді: «Менің есте сақтау қабілетім өте жақсы, бірақ бұл менің қызметкерлеріме жақпайды. Ал мұнда – Айгерім, Айтолқын, Айгүл, Айнұр, Жанар, Әлішер, Айдын, Талғат, ең қызығы Қырмызы. Тектері мен фамилияларын тіпті жаттауға құлықсыз болдым. Ешқандай ассоциация жоқ, адам өзін таныстырады, бір секундтан кейін оның атын ұмытып қаламын. Неге екенін білмеймін, Асель мен Меруерт қана туғанымдай болды. Маған француз бастығым көмекке келді. «Татьяна, бәрі де оңай!», – деді ол.

«Еске сақтаңыз – Айфон, Айпад, Айгерім, Айгүл және келесі». Бұл көмектесті. Бірақ тектерін мен әлі күнге дейін білмеймін. Тек қана атын айтатын шетелдік адамның ролін ойнап жүрмін».

Ешқандай ассоциация жоқ, адам өзін таныстырады, бір секундтан кейін оның атын ұмытып қаламын. Неге екенін білмеймін, Асель мен Меруерт қана туғанымдай болды.

17 қаңтарда Еуразиялық банктің басшылығы орта деңгейдегі жетекші Татьяна Бурнакинаның шетелдік интернет-басылымына берген сұхбатын «келісілмеген» деп атап, осыған байланысты Бурнакина ханыммен банк басшылығының еңбек қатынасын үзуі туралы шешім шығарғаны хабарланды.

Банк өкілдері бұл сұхбаттың Бурнакинаның жеке көзқарасын білдіретінін де атап өтті. Банктің басшылығы мен қызметкерлерінің оның пікірін қолдамайтыны және мұндай пікір айтуды өрескел деп санайтыны да айтылды.

Источник: Алаш Айнасы

2 ПІКІРЛЕР

  1. Кеудесіне нан піскен, қайдағы бір орыстың қатыны жаһанға жар салып, қыздараымыздың азан шақырып қойған есімдерін келеке етуі ккөргенсіздік қой. «Орыс оййна келгенін істейді»-деп неге айтқан дейсіз.

  2. Сонда да, бул окиништи жагдай!Банк кизметкерлери дурыс жумыс истемеди,жалкау,орысша сауатты дурыс сойлемейди,деп жамандаган коринеди.Биз неге оз елимизде орысша сайрауымыз керек!Казак кыздарынын аттарын жаттай алмаган, Айфон,Айпад дегени не сумдык!Казакстанга келгеннен кейин казакша уйренбей ме.Енди кеширим сурап не керек айтарын айтып алып!Кеше «Нур кз»дан окып катты ренжидим.Ор кокирек,мадениеттен журдай оз елине сыймаган,(жумыскер болса оз елинде истер еди)кангыган орыс айелин аспеттеп неге жумыска алган,биздин адамдарымыз жок па?

Пікір жазу

Пікіріңізді енгізіңіз!
мұнда сіздің атыңызды енгізіңіз