Бас прокуратура Сириядағы қазақстандықтар туралы бейнероликті таратуға тыйым салды

1
1326

Бас прокуратура қазақстандықтардың Сириядағы соғыс қимылдарына қатысуы туралы бейнероликті таратуға тыйым салды.Бас прокуратура Сириядағы қазақстандықтар туралы бейнероликті таратуға тыйым салды

«2014 жылғы 22 қарашада Интернет желісінде Сирия аумағында жүрген және террористік ұйымдар жағында соғыс қимылдарына қатысып жатқан қазақстандық азаматтар көрсетілген бейнеролик («Игі істерде сайысқа түсіңдер») таратыла бастады. Оны зерделеу роликтің мазмұны лаңкестік әрекетке қатысуды насихаттауға және ақтауға бағытталғанын көрсетті», – делінген ҚР Бас прокуратурасының хабарламасында.

«Бұқаралық ақпарат құралдары туралы» Қазақстан Республикасы Заңының 2-бабының 3-тармағына сай терроризмдi насихаттауға және ақтауға жол берiлмейдi. «Терроризмге қарсы іс-қимыл туралы» Қазақстан Республикасы Заңының 10-бабына сәйкес терроризмді насихаттауға тыйым салынған.

Осыған байланысты Бас прокуратура «Байланыс туралы» Заңның 41-1-бабының негізінде 2014 жылғы 22 қарашада Инвестициялар және даму министрлігінің Байланыс, ақпараттандыру және ақпарат комитетіне аталған роликке кіруді оқшаулау, сондай-ақ оны сот тәртібінде заңсыз деп тану және Қазақстан аумағында таратуға тыйым салу жөнінде шаралар қабылдау туралы ұйғарым енгізді.

«Дейтұрғанымен, жекелеген жеке және заңды тұлғалар, сондай-ақ бұқаралық ақпарат құралдары байланыс құралдарын және желілерін пайдалана отырып, қарастырылып жатқан құқыққа қайшы бейнематериалды таратуды жалғастыруда. Осыған байланысты, құқықтық салдарлардың туындауын болдырмау үшін Бас прокуратура жоғарыда келтірілген заңдардың нормаларын қатаң сақтау қажеттігін ескертеді және жоғарыда аталған роликті немесе оның жекелеген эпизодтарын таратудан бас тартуды ұсынады» – делінген хабарламада.

Источник: ИА «Казинформ»

1 Пікір

  1. ВОВСЕ всякими запретами нельзя ни чего сделать.Изучать надо «почему люди из Казахстана оказались в СИРИЙ» Они едут на чужбину решать свои вопросы для семьи и его благополучие ,это ДЕНЬГИ ,положения, квартира больше ни чего. Как скзал великий писатель ШЕКСПИР ,жизнь это большая сцена ,и каждый человек в нем играет свои РОЛИ. Хотя говорять ,ради Ислама ,ДЖИХАТ ,это все чуш ,Я думаю МУФТИЯТ КАЗАХСТАНА должен призвать в том что,каждый мусульманин в Р.К.должен объявить ДЖИХАТ для себя и бороться самим СОБОЙ . » быт здоровым ,счастливым,богатым ,патриотом , трезвый образ жизний ,против наркоманий, строит КАЗАХСТАН ПРОЦВЕТАЮЩЕЙ с ориентиром на Европу . Вот тогда страна достигнет ЧТО ТО . Алга КАЗАХСТАН. Борьба – ЭТО ЖИЗНЬ.

Пікір жазу

Пікіріңізді енгізіңіз!
мұнда сіздің атыңызды енгізіңіз