Елімізде бизнеске кедергі болған 30-ға тарта шенеуніктің аты-жөні жарияланады

1
1162

Ұлттық кәсіпкерлер палатасы бизнеске кедергі келтірген 30-ға тарта шенеуніктердің аты-жөнін тиісті мемлекеттік органдардың тексерісінен кейін жариялайтын болады. Орталық коммуникациялар қызметінде өткен брифинг барысында Ұлттық кәсіпкерлер палатасы Басқарма төрағасы Абылай Мырзахметов осылай мәлім етті.

Елімізде бизнеске кедергі болған 30-ға тарта шенеуніктің аты-жөні жарияланады

Бұл туралы Қазақпарат хабарлайды.

Тоқтала кететін жайт, бұған дейін де Ұлттық кәсіпкерлер палатасы бизнеске кедергі келтіріп жатқан шенеуніктерге сын айтып, кәсіпкерлікке кесірін тигізіп отырған тағы бірқатар лауазымды тұлғалардың есімдерін жариялау уәде етілген еді. Осыған орай, брифинг барысында қойылған сауалға Абылай Мырзахметов мырза жауап берген болатын.

«Біз осы қарқынымыздан еш тайынбаймыз. Кәсіпкерлердің мүддесін қорғау кеңесі нақты жұмыс жасайды, келесі аптада Таразда отырыс өтеді. Жылдың аяғына дейін барлық облыстарда осындай кеңестер өтіп, оларда кәсіпкерлерді толғандыратын мәселелердің бәрі көтеріледі, нақты кедергі жасап отырған шенеуніктердің аты-жөні де жасала береді. Алматы облысында өткен отырыста да 4-5 мекеме басшысының аты аталып, облыстық прокуратура біздің арызымыз бойынша тексерулер жүргізіп жатыр», – дейді Мырзахметов.

Сонымен қатар, ҰКП басқарма төрағасы кәсіпкерлікке кедергі келтіріп отырған 30-ға тарта шенеуніктің аты-жөні бар екенін атап өтті. Оның айтуынша, палата әзірше ондай тұлғалардың аттарын БАҚ-та жариялай алмайды.

«Өйткені, ол азаматтардың да құқығы бар, соттың шешімі, лауазымды органдардың тексерісі шықпастан олардың атын атап, түсін түстеу жарамайды. Дегенмен, біз мемлекеттік қызмет істерімен айналысатын жаңадан құрылған агенттікке де, прокуратураға да ол шенеуніктерлің аты-жөнін ұсындық. Осы бағыттағы тексерістерден кейін біз оларды жариялай аламыз», – деді Мырзахметов.

Источник: NUR.KZ

1 Пікір

  1. В Казахстане МЕШАЮТ для ведения бизнеса ВСЕ кому не лен. В результате Я Абдибеков Болат Продаю почти ТРИ зданий МЕЧЕТИ в богатейщей в Казахстане Костанайской области. Бизнес свой Я уже потерял. Так что Я Абсолютно не удивлюсь в этом. Все хотят получить свою «мзду» В Торгайском регионе давно сделали Священную КОРАН,в бизнес книжку.. Кто украл эти деньги который собирал народ для строительства МЕЧЕТИ ,ОНИ в числе уважаемых людей региона Это бывщие Акимы районов и ИМАМЫ МЕЧЕТИ.Против них Конститутционные ЗАКОНЫ Р.К.не работают.они бес сильные.Суди сами стали коррупционрами.» СОТ ЕКІ СӨЙЛЕЙДІ» Казахи говорят «если портится мясо,ложить надо СОЛЬ, а если портится само соль ,что надо ложить тогда» по факту СОЛЬ не портится в природе как химический элемент,СУДИ должны быть как соль в природе , не должны уклонятся от Конститутционных законов Р.К. Тогда и БИЗНЕС пойдет в гору.Кто нибудь передайте мою комменты до верха,я сам не могу достучатся. 8701 816 [email protected]

Пікір жазу

Пікіріңізді енгізіңіз!
мұнда сіздің атыңызды енгізіңіз