Саяси кеңесте Бердібек Сапарбаев ғана қазақша баяндама жасаған

20
3332

Саяси кеңестің отырысында бастан-аяқ қазақша баяндама жасаған жалғыз шенеунік Бердібек Сапарбаев премьер-министрдің орынбасары болып тағайындалды.

Саяси кеңесте Бердібек Сапарбаев қана қазақша баяндама жасады
Бұл туралы 31 арна хабарлайды.

Кеше түске дейін Астанаға әкім болып келіп, түстен кейін Өскеменде вице-премьер ретінде таныстырылған Сапарбаев Шығыс Қазақстанды 5 жыл, 8 ай басқарыпты.

Ал, оның орнына бірнеше жылдан бері саяси сахнада көрінбей кеткен Даниал Ахметов келді. Бұған дейін вице-премьер болып келген Гүлшара Әбдіхалықова Мемлекеттік хатшы болып тағайындалды.

Бердібек Сапарбаевты вице-премьер ретінде таныстырып, Астанаға алып кетуге және Даниал Ахметовтің кандидатурасын облыстық мәслихатпен келісуге Үкімет басшысы Кәрім Мәсімов пен Президент әкімшілігінің жетекшісі Нұрлан Нығматулин қатар келді.

2009 жылы Қорғаныс министрі қызметінен босағаннан бері ел көзіне көрінбей кеткен Ахметовтің журналистер Владимир Нидің жерлеуіне қатысқанын ғана жарыса жазған.

Ал, соңғы уақытта Еуразиялық экономикалық комиссияда Қазақстан атынан мүше болған ол бұған дейін Павлодар облысының әкімі, Үкімет төрағасы болған.

Мәслихат Ахметовті бірауыздан қолдады. Ал, Шығысты 5 жылдан артық басқарған Сапарбаев ең ушыққан жағдайлардың өзінде халықтың ортасына барып, елмен жұмыс істей алатын әкім екенін талай көрсетті.

Тарбағатайдағы су тасқынында, кеншілердің ереуілінде, шеттен келген ағайынның наразылығында Бердібек Мәшбекұлы орынбасарларын жұмсап қоймай, өзі бел ортада жүрді.

Ал, Ресей саясаткерлерінің ашық мәлімдемелері тұсында ұлттық саясатты ұстау, дотациялы аудандардың әлеуметтік деңгейін одан әрі түсіріп жібермеу Ахметовтің қолынан келу-келмеуі – бірер айдан кейін-ақ белгілі болып қалар.

Источник: NUR.KZ

20 ПІКІРЛЕР

  1. Мади, қой айналайын. Ол кісі Қызылорда облысы Жаңақорңан ауданы Бесарық елдлі мекенінде туылған, «Ақжол» қазіргі Машбек ауылында өскен. Мен осы ауылдың тумасымын. Сондықтан оны менен артық біле алмассың.

  2. Жер жерге бөлісіп таласпайық,Бердібек аға туған жері Шымкент обд Мақтаарал ауданында туылған,өскен жері Қызылорда обл.

  3. Уважаемая КАЗАК КЫЗЫ,во дворе 21.век,Если не можем высказатся,в собственной стране ,Я незнаю вовсе кудв идем. Если человек заблудился в буране ОН должен остановится ,поке не с орентируется в направлениях.В первую очередь полный ФИО напишите, ине надо оглядоватся на каждый шорох.позваний.8701 816 5721

  4. Бердибек Сапарбаев ,один из мног численных претендентов на пост ПРЕЗИДЕНТА Р.К. – молодец. А говорят в том что ,нет человека достойных. их просто около 90. человек.

  5. Қырық рулы аймақты басқару тозақты басқарудан кем емес.»Сапарбаев ең ушыққан жағдайлардың өзінде халықтың ортасына барып, елмен жұмыс істей алатын әкім екенін талай көрсетті».Осы баға әділ.Қазақы рухты қазақтың мықты азаматтары, орыстың менталитеті сүйегіне сіңбеген жандар.Даниял Ахметовтің жағымсыз жағдайын білеміз: Қорғаныс саласында жемқорлықпен табанды күресе алмады.Менталитетін жетік білмейміз.Шығыс Қазақстандағы сепаратизммен күресу қолынан келсе игі еді.Казактардың атаманы атағын ұсынса алмасын.

  6. Рашит, өкіметтің ақшасына қалаған ескерткішін қойып, мүшайралардың түр-түрін тек қана жалқау өткізбес. Мүшайралар тек қана Исламның тұсында өткізіле бастады дегеніңіз облыстың мәдениетінен хабарсыз екеніңізді көрсетіп тұр, «интеллигент» мырза!!!!

  7. ШОК, Ислам Әбішев болмаса, Ұлы Абай ескерткіші де, «Шығыс шынары» мүшайрасы да болмас еді.. Бұл туралы Сапарбаевтың өзі елдің көзінше мәлімдеді былтыыр. Сондықтан оттай берме, аузыңа келгенді өсекші қатындардай..

  8. Ол кісі халқының 98 пайызы қазақ және 800 мың тұрғыны бар алып аймақ, жер көлемі шымкенттен 3 есе үлкен Қызылорда облысының тумасы

  9. Ру мен жерге бөлінгенді қашан қоясыздар. Ел басқарды. Еңбек етті. Ең бастысы ісіне адал болды. Тыным таппай қара халықтың арасында жүрді. Кабинеттен шықпай отырып алған жоқ. Атқарылып жатқан жұмыстарды қайта-қайта қадағалап, қасында жүрді. Тапсырманы тілмен беріп, телефонмен сұрап отырған жоқ. Әкімдіктегі ақ жағалылардың бәрін бірдей көрді. Бәрінің міндеттерін дұрыс орындауды талап етті. Тағысын тағылар. Соның нәтижесі Шығыстың шоқтығы биік болғаны. Әрбір қазақ – мейлі ол Қазақстанның қай жерінен болсын, ру кім болса да, тіпті ұлты да (өзге ұлт өкілдері үшін) осындай білікті басшыға қарап, білімді азаматтарға қарап сабақ алып, тәжірибе жинаса Қазақ елінің дамуы қарқынды болмақ. Ал шымкенттік бауырым ел үшін еңбек етіп, ет жүрегі елжіреп жүрген азаматтарды біздікі деп, бөлінбе. Сен де үлгі алып еңбек ет. Қолыңнан келеді. Сонда туған бауырларың мақтансың менің ағам деп. Ал қазақтың маңдайына біткен марқасқа ұлдары туралы ұзақта жатып алып, алып-қашпа сөздермен ел арасына ірткі салма. Бұл пікір жазғыш, сен сияқты данагөй сымақтар үшін де айтылған сөз.

  10. Кудай-ай!.. Шымкенттiк болганы ушiн гана колынан ис келуи керек пе? Ешкандай да Шымкенттик емес ол. Сырдын тумасы. Ал енди, колынан ис келмейтин азамат болып калды ма? Жерине байланысты емес, биликтилигине карап багалайтын заман келди. Догарайык!

  11. Қанша Шымкенттіктерді жамандасаңдар да, сол Шымкенттік Бердібек ағамыз нағыз мықте азамат екенін ісімен дәлелдеді. билік басына осы Шымкенттіктер келмесе жағдай түзелмейді деп ойлаймын. Басқалардың қолынан іс келмейді деп ойлаймын.

Пікір жазу

Пікіріңізді енгізіңіз!
мұнда сіздің атыңызды енгізіңіз