Бердібек Сапарбаев ҚР Премьер-министрінің орынбасарлығына тағайындалды

3
2077

Бердібек Сапарбаев. ©ortcom.kz

Бердібек Сапарбаев ҚР Премьер-министрінің орынбасары болып тағайындалды, – деп хабарлайды Tengrinews.kz тілшісі Ақорданың сайтына сілтеме жасап.

«Бердібек Машбекұлы Сапарбаев Қазақстан Республикасы Премьер-Министрінің орынбасары болып тағайындалсын, ол Шығыс Қазақстан облысының әкімі қызметінен босатылсын», – делінген Президенттің жарлығында.

Бұған дейін Сапарбаев Шығыс Қазақстан облысының әкімі болған еді.

Ол 1953 жылы Қызылорда облысының Жаңақорған ауданындағы Бесарық ауылында туған.

Еңбек жолын Қызылорда облысының Задария кеңшарында жұмысшысы болып бастады. Жоғары оқу орнын аяқтағаннан кейін Мемлекеттік еңбек жинақ кассалары республикалық басқармасында экономист, Қазақ КСР-і Қаржы министрлігінде экономист болып қызмет атқарды. Қазақстан Республикасы Білім министрінің орынбасары болды, ҚР Президенті аппаратында және Министрлер кабинетінде жұмыс істеді.

1995-1999 жылдары Қызылорда облысының әкімі, 1999-2002 жылдары Оңтүстік Қазақстан облысының әкімі болды.

ҚР Кедендік бақылау агенттігінің төрағасы, қаржы вице-министрі – ҚР Қаржы министрлігінің Кедендік бақылау комитетінің төрағасы (2002-2006), ҚР Премьер-министр кеңсесі жетекшісінің орынбасары – ҚР Парламенті Мәжілісіндегі Үкіметтің өкілі (2006-2007), ҚР экономика және бюджеттік жоспарлау вице-министрі (9.02.07-27.08.07) қызметтерін атқарды. 2007 жылдың 27 тамызынан бастап, ҚР еңбек және халықты әлеуметтік қорғау министрі болды.

3 ПІКІРЛЕР

  1. Қазақ Елінің нағыз Президенті, басшысы болатын бірден бір жаны, ары, қалтасы таза, өзінің қамынан гөрі елдің қамын ойлаған іскер азаматы. Жаратқаны Ием осындай азаматтарды қолдап, арманымызды қабыл еткей. Осы кісі келсе еліміз өркендеп, коррупциядан құтылып, Жаңа Дәуірдегі жаңа тарихымыз басталар еді.

  2. «Егемен Қазақстан» мен «Айқын» гәзетінде аспандата мақталған, басқа қазақ, орыс гәзеттерінде нақты фактімен көп сыналған Бердібек (өскеменше – «Бордюрбек»)Сапарбаев өсірілді. «Жеңгеңе жақсаң болды, көкеңді қойшы!» деген, «Борсық соққан сайын семіреді» деген рас екен.

  3. Бердібек Машбекұлын облыстарды басқарған азаматтардың ішіндегі ең таза, жаны жайсаң, халықтың қамымен күндіз демей түн демей жүгіріп жүретін, нағыз қазақ жігітіне тән қасиеттер бойынан табылатын, өзге әкімдерге өнеге болатын азамат деп білемін. Ол кісіні Үкіметімізге Бас уәзірдің орынбасары етіп тағайындауын Елбасының дұрыс таңдау жасағаны деп ойлаймын. Ғайып-Ерен қырық шілтен шылауыңызда, Қыдыр Әлейхиссалам жолдасыңыз болғай, Жаратқан иеміз Сізге елімізге адал еңбек етуді нәсіп етіп, қашанда қолдап, қорғап жүргей!, Әумин, Аллоху Акбар!

Пікір жазу

Пікіріңізді енгізіңіз!
мұнда сіздің атыңызды енгізіңіз