Тасмағамбетовті қорғаныс саласында не күтіп тұр?

2
1808

Биліктегі ауыс-түйіс халық арасында қызу талқыланды. Еліміздегі белгілі саясаттанушылар соңғы жылдары Алматы мен Астана қаласында әкім болған Иманғали Тасмағамбетовті қорғаныс саласында не күтіп тұрғанына тоқталды.

Тасмағамбетовті қорғаныс саласында не күтіп тұр?
Бұл туралы «Алаш айнасы» басылымы хабарлайды.

«Мен жалпы өз басым Иманғалиды сүйкімді саясаткер ретінде бағалаймын. Оны бұқара жақсы басшы, шебер ұйымдастырушы ретінде таниды. Ол қай жерге барса да өзінің ұқыптылығы мен іскерлігінің арқасында көзге түседі. Қазір Украинадағы жағдай шиеленісіп кетті. Әскери саладағы былық-шылық та аз емес», – дейді саясаттанушы Әзімбай Ғали.

Ол әскери сферада басқа сфераға қарағанда ұрлық жасау, жемқорлыққа ауыз былғау өте оңай екенін айтады.  Сондықтан да, бұл бағытта қазір жағдай тым ушығып кеткен.

«Жалпы, қай ел болмасын күшпен, күштімен санасады. Иманғали әскери қуатты қалпына келтіру, күшін арттыру мәселесін қолға алады деп ойлаймын. Бір қызығы, ол бұған дейін бұл салада қызмет еткен жоқ. Президенттің өзі осы салада Иманғали Тасмағанбетовтің қарымын байқап көрмек болған сияқты. Бұл Тасмағанбетовке қызметтік карьерасына өте маңызды баспалдақ деп ойлаймын. Сол үшін де бұл бағытта Иманғали абыройын сақтап қалуы тиіс. Тың реформалар жасауы керек», – дейді саясаттанушы.

«Ақ жол» партиясының төраға кеңесшісі, саясаттанушы Мақсат Жақау  елдің ішкі саясатындағы ауыс-түйістер ішкі факторлардан гөрі сыртқы векторлық ықпалдардың ықпалынан болып жатқанына тоқталады.

Менің ойымда Иманғали жақсы басшы, іскер азамат ретінде қалыптасқан. Бірақ Қорғаныс саласын басқарудың қалай боларын болжай алмаймын

«Ресейдегі ахуал, Украинадағы ұлтаралық мәселенің қарулы қақтығыстарға ұласуы, әлем саяси күштерінің бір-бірлеріне салған санкциялары талай елді састырып тастады. Саяси ахуалдар осылай ушығып тұра берсе, Еуразиялық Экономикалық Қауымдастыққа кіретіндіктен бізге де оңай болмайды. Мұндай сәтте Ұлттық қауіпсіздік мәселесіне баса назар аударуға тиіспіз», – дейді ол.

Ал танымал саясаттанушы Дос Көшім болса, мұндай ауыс-түйістерге көңіл бөлмейтінін айтқан.

«Жалпы, мұндай ауыс-түйіс мәселесіне мән бермеймін. Себебі, соңғы бірнеше жылдан бері билікке су жаңа кадрлар келген емес. Жоғарғы билікте кадр саласында тоқырау бар секілді көрінеді. Менің ойымда Иманғали жақсы басшы, іскер азамат ретінде қалыптасқан. Бірақ, Қорғаныс саласын басқарудың қалай боларын болжай алмаймын. Бұл – менің жеке пікірім. Мен білім, денсаулық және қорғаныс салаларын осы саланың мамандары басқарғаны жөн деп білемін», – дейді Дос Көшім.

Источник: NUR.KZ

2 ПІКІРЛЕР

  1. Ардақты ағайын!
    Жүздеген жылдар мен сынақтардан елімізге деген махаббатымызды өшірмедік, елімізді қалыптастырдық, тәуелсіздікке ие болдық. Барлығымыз бірігіп егемен мемлекет құрдық. Ендігі мақсатымыз – өткен жетістіктерімізді сақтай отырып, жаңа биіктерге жете отырып, болашақ ұрпақтарымызға бай және егемен елімізді аманат ету.
    Біздің тәуелсіздігімізге әлі екі онжылдық қана болды. Өз жеріңде өмір сүру және жұмыс істеу, өз тағдырыңды өзің анықтаудан артық нәрсенің жоқтығын миллиондаған қазақтардың түсінуіне осы қысқа тарихи уақыттың өзі жеткілікті болды.
    Қазақтарды тізе бүккізіп, бағындыруды, өз жерінен, атынан айыруды көздегендер аз болған жоқ. Бірақ оларға әрқашан жол бермей тұрған күш – ерлікке, атамекенге деген сезімге және бостандық жолында құрбандыққа толы қазақтық мінез жатты.
    Отанымыздың тәуелсіздігі жарияланған күннен бері жиырма жыл өтті. Бүгін, тәуелсіздігіміздің бағасыздығына көзіміз жете отырып, халықаралық тоғыста орналасқан Қазақстан Республикасының әлемдегі елдермен қарым-қатынастарының дамуын бақылап отырмыз.
    Сүйікті отанымыз Қазақстан – бүгін халықаралық қоғамдастықтың белсенді, танымал, құрметті мүшесі. Бұл жоғары мәртебе ұлтына лайықты әр ұлынан, сонымен қоса әр деңгейдегі депутаттар мен әкімдерден, үкімет мүшелерінен Отанның бүгіні мен ертеңі үшін, сүйікті Қазақстанымыздың дамуы үшін, сонымен қатар әлемдік аренада оның үнінің қатты шығуы үшін үнемі күш жұмсауды талап етеді. Отан үшін жауапты болуға әрқайсымыз адал еңбектеніп, жемісті күш жұмсап, үлкен жауапкершілік пен мықты ерікке, ұлттық намысқа, жоғары білімділікке, таза ниетке ие болуымыз қажет.
    Әр жыл сайын республика өндіргенінің 80 пайызын экспорттайды, өйткені бәрі шикізат. Барлық табылған табыс, меніңше, олигархтардың қалтасына, шетелге кетпеуі тиіс, ол халыққа еңбекақы, әлеуметтік игілік, отандық экономикаға инвестиция ретінде қайтуы керек. Әрқашан осылай болуға тиіс. Осындай экономика құру біздің мақсатымыз.
    Бүгінгі жағдайлардағы Қазақстанда біз одан әрі халық игілігі үшін аянбай еңбек етуге, мектептер мен балабақшалар жетіспеушілігін және азаматтардың тұрғын үй мәселесін шешуге, ауылдарды газификациялауға, индустриалды-инновациялық саясатты іске асыруға, қарапайым азаматтарды әлеуметтік қорғауға, мемлекетіміздің қорғаныс қабілетін нығайтуға міндеттіміз. Сонымен қоса, коммуникациялық тәуелсіздік және сауда қорғанысына, азық түлік қауіпсіздігіне және экономикалық өсімді өндіруші сала арқылы қамтамасыз етуге, халыққа стратегиялық кәсіпорындарды және пайдалы қазбалар орнын қайтаруға, заң шығарушы органдардың ролін күшейтуге бағытталған стратегиялық мақсаттарға жақындауымыз керек. Уақыт талабы осындай.
    Жоғары мақсаттарға жету мен үлкен жемісті жоспарларды іске асыру оңай іс емес. Ол бір-екі жылда орындалмайды. Бірақ әрқайсымыздың, ұлттың ұлдары – Парламенттің, Мәслихаттың депутаттарының, әкімдердің, үкімет мүшелерінің, ұйымдастырушылардың, барлық деңгейдегі мамандар мен жауапты жұмысшылардың, министрліктер мен ведомстволар қызметкерлерінің мақсаты адал еңбекті қажет етеді.
    Алдымызда шешімін талап ететін мақсаттар тұр. Мысалы Қаржы саласындағы мәселелер осы:
    • Ұлттық валюта курсының тұрақтылығын қамтамасыз ету;
    • Несиелік қорларды көбірек тарту және осы негізде шағын және орта кәсіпкерлікке, әсіресе өндірістік кәсіпорынға салынатын жалпы несие көлемін үлкейту;
    • Несиелік ұйымдардың қаржылық тұрақтылығын қамтамасыз ету саясатын жалғастыру және оның қызметін халықтың бос қаражаттарын тарту арқылы, банк қызметтері сапасын жақсарту арқылы, олардың орындалу тәртібі арқылы кеңейту.
    • Отандық өндіруші кәсіпкерлікке берілетін ұзақ мерзімді несиелерге клиенттерді тарту арқылы несие жүйесін нығайту.
    Экономиканың нақты секторын, шағын және орта кәсіпкерлікті қолдау мақсатымен Ұлттық банк және коммерциялық банктер осы бағыттағы несиелердің көлемі мен санын көбейтуге, несиелік қорларға көбірек клиент тартуға керекті шаралар қолдануға тиіс.
    Осыған байланысты, елде банктердің, басқа да несиелік ұйымдардың санын көбейту үшін және қызмет сапасын жақсарту үшін барлық сәйкес нормативтік-құқықтық актілерді қайта қарап, олардың қызметін жақсартуға жағдайлар жасау керек. Сонымен қатар, алыстағы аудандарға микронесиелеуді көбейтуге қосымша шаралар қолдану қажет.
    Құрметті отандастарым!
    Осы ұлы жетістік пен бағасыз ұлттық игілігіміздің қасиетті, мінсіз, және әрқашан тұрақты тәуелсіздігін сақтау – мемлекеттің мақсаты және Қазақстанның әр саналы және адал азаматының миссиясы. Тәуелсіздік пен егемен мемлекетті, әлемді нығайтуды, тұрақытлық пен ұлттық бірлікті, жоғары отаншылдық сезімді, рухани қырағылықты, ұлттық намысты, ұлттық құндылқтар мен мемлекеттік нышандарды қорғау – нағыз азаматтық қоғам құруға, мықты экономикалық және әлеуметтік дамуға, стратегиялық жоспарлар мен мақсаттардың іске асуына бізді толықтай бағыттайды.
    Тәуелсіздік пен оның жетістіктерін нығайту бізді халықтың тарихи санасын, этикалық және мәдени құндылықтарын қалпына келтіру мен тілдің, әдебиеттің, ғылымның, мәдениеттің, ағарту мен білім берудің дамуына көп күш салуға итермелейді.
    Ұлттық сананың қалыптасу үрдісін күшейтудегі, өркениетті азаматтық қоғам негіздерін күшейтудегі тарихымыздың тағдырлы кезеңінде ең қуатты жемісті құрал – қазақ халқының ұлы бабаларының мұрасына назар салу.
    Тәуелсіздік жылдарында тамаша тіл болып саналатын мемлекеттік тіліміздің қалпына келуі және дамуы үшін барлық жағдайларды жасауымыз керек еді. Өйткені бұл бабалардан қалған аманат және біздің ұлтымыздың ең басты құндылығымыз. Өкінішке орай жиырма жылда ештеңке істелген жоқ. Біз отаншылдар қазақ тілін көсегесін көгерту үшін барлық шараларды жасаймыз. Бұл біздің тарихи міндетіміз.
    Бір кездері мемлекеттік және саяси тіл болмаған қазақ тіліміздің үні қазір БҰҰ-ның және басқа да халықаралық ұйымдардың ең жоғары мінберлерінен шығып тұруға, ақ көгершін сияқты бейбітшілік пен достық құсы ретінде әлемдік кеңістікте шарықтауға тиіс.
    Сондықтан, ежелгі, бай, дана және ақындық тілге деген мемлекеттік және бүкілхалықтық қамқорлық – әрқайсымыз үшін асыл парыз.

Пікір жазу

Пікіріңізді енгізіңіз!
мұнда сіздің атыңызды енгізіңіз