Тергеу изоляторында отырған Ерлан Арынның денсаулығы сыр бере бастады

1
1905

Павлодар облысының бұрынғы басшысы Ерлан Арын 11 қарашаға дейін қамауда қалады. Бұл ақпарды арна тілшілеріне облыстық соттың баспасөз хатшысы Рауан Бейілғожин телефон арқылы растады.

Тергеу изоляторында отырған Ерлан Арынның денсаулығы сыр бере бастады
Ерлан Арын

Экс-шенеуніктің қорғаушыларының айтуынша, тергеу изоляторындағы жағдайдың сын көтермеуінен, соңғы кезде Ерлан Арынның денсаулығы сыр бере бастаған.

Павлодар облыстық қылмыстық атқару жүйесі департаментінің бөлім басшысы Борис Гаврилюк: «Тергеу изоляторында қамауға алынғандардың барлығына бірдей жағдай жасалған. Олардың тамақтануы, медициналық қызметі және ем-доммен қамтылуы да біркелкі. Ол жерде ерекше көңіл бөлу деген болмайды. Тергеліп жатқан бұл азамат та солардың қатарында», – дейді.

Облыстық прокуратура Ерлан Арын және атышулы қылмыстық іске қатысты тұлғалардың ісін мемлекеттік қызмет істері және жемқорлыққа қарсы агенттікке қайта тергеуге қайтарған. Бұған «тергеудің жан-жақты, әрі толық жүргізілмегендігі» негіз болған.

Айта кетейік, бұрынғы әкімді үстіміздегі жылдың 4 наурызында қаржы полициясы қызметкерлері қамауға алды. Тергеу материалдары бойынша, облыс әкімдігі және «ENRC Kazakhstan»серіктестігі арасындағы меморандум негізінде Павлодарды абанттандыру үшін бөлінген 23 млн теңге демеуші қаржысы айыпкердің қалтасына түскен.

Сондай-ақ, ол мемлекеттік сатып алу байқауына қатысушы құрылыс фирмасы өкілдерінен пара алғаны үшін айыпталып отыр.

Источник: Астана телеарнасы

1 Пікір

  1. Агатай денсаулык сизге ! Ер жигиттин басына не келип кетпейди.акка кудай жак болсын.! Сизге шын конилмен денсаулык тилеп журемиз.бир казактын кызы жаксылык тилеп еди деп журерсиз.сизде бари жаксы болады.

Пікір жазу

Пікіріңізді енгізіңіз!
мұнда сіздің атыңызды енгізіңіз