Хиросимада лай көшкінінен қаза тапқандар саны 50 адамға жетті

Жапония билігі 20 тамыз күні Хиросимада болған лай көшкінінен 50 адамның қаза тапқанын растады, деп хабарлайды LENTA.RU Agence France-Presse хабарламасына сілтеме жасап. Тағы 38 адамның тағдыры әзірге белгісіз.

Оқиға орнында үш мыңдай құтқарушы жұмыс істеп жатыр, іздеу жұмыстары осымен бесінші күн жалғасуда, алайда жаңа лай көшкінінің жүру қаупіне байланысты іздеу операциялары үнемі тоқтатылуда. Хиросима ауданында әлі де нөсер жауын шелектеп құйып тұр. 1,7 мыңдай жапондық уақытша баспанаға көшті, тағы 164 мыңнан аса тұрғынға қауіпсіз жерге қоныс аударуға кеңес берілді.

www.bnews.kz