Қазақстан мұнай өнімдерін экспорттауға тыйым салды
2014 ж. 30 маусым
1542
0
Қазақстан дизельді отын, керосин және тағы басқа мұнай өнімдерін экспорттауды уақытша тоқтатпақ.
Мұндай қадам елдегі ішкі нарықта дағдарыс тудырмау үшін жасалып отыр. Үкімет қаулысына Премьер-министр Кәрім Мәсімов қол қойды.
"ҚазТаг"-тың мәліметінше, құжатта "мотор майлары, дизелді отын, газойл, керосин мен өзге де мұнай өнімдерін алты айға тысқа шығаруға шектеу қойылсын", - делінген.
Сондай-ақ, үкімет басшысы сұйытылған мұнай газының ішкі нарықтағы көтерме баға межесін белгілейтін қаулыға қол қойды.
Осылайша, Қазақстанда 2014 жылдың 30 қыркүйегінен бастап аталған мұнай өнімінің бағасы 38 701 теңге болып есептелді.
