Қарағанды аудандық экс-прокурордың жұбайы өз-өзіне қол жұмсамақ болды

ҚАРАҒАНДЫ. ҚазАқпарат - Қарағанды облысында жазатайым оқиға салдарынан Ақтоғай ауданының экс-прокурорының зайыбы оқ тиіп жарақаттанып, ауруханаға жеткізілді, деп хабарлады аудандық прокуратурадан. «Қайғылы оқиға өткен жұмада, 13 маусымда орын алды. 40 жастағы әйел ішінен оқ тиіп, ауруханаға жатқызылды. Зардап шегуші өзіне-өзі байқаусызда оқ атып алғанын айтты», - деді аудандық прокуратурадан. Ведомство өкілінің айтуынша, зардап шеккен әйел ешкімді кінәламайтынын айтып өтініш жазған. «Оның жұбайы прокуратура жүйесіндегі қызметінен босатылғаннан кейін еш жерде жұмыс істемейді», - деп қосты олар.

http://www.inform.kz/