ЗЫРЯН МЕН АЯГӨЗ АУДАНДЫҚ МАҢЫЗЫ БАР ҚАЛАЛАР САНАТЫНА ЖАТҚЫЗЫЛДЫ

Шығыс Қазақстан облысының Зырян және Аягөз қалаларын аудандық маңызы бар қалалар санатына жатқызылды. Мұндай Жарлыққа Қазақстан Республикасы Президенті қол қойды, деп хабарлайды ҚазАқпарат. Сондай-ақ, ҚазАқпарат құжаттың толық мәтінін жариялады.  Қазақстан Республикасының Президентінің Жарлығы Шығыс Қазақстан облысының Зырян және Аягөз қалаларын аудандық маңызы бар қалалар санатына жатқызу туралы «Қазақстан Республикасының әкімшілік-аумақтық құрылысы туралы» 1993 жылғы 8 желтоқсандағы Қазақстан Республикасы Заңының 9-бабына сәйкес ҚАУЛЫ ЕТЕМІН: 1. Шығыс Қазақстан облысының Зырян және Аягөз қалалары аудандық маңызы бар қалалар санатына жатқызылсын. 2. Осы Жарлық қол қойылған күнінен бастап қолданысқа енгізіледі. Қазақстан Республикасының Президенті                             Н.НАЗАРБАЕВ. Астана, Ақорда, 2014 жылғы 8 сәуір. №790