Ресейдің зымыраны тағы қазақ даласына құлады

4
1376

photo_3114Батыс Қазақстан облысының Шонай елді мекені маңына құлаған заттың метеорологиялық зымыран екені анықталды. Бұл туралы Tengrinews.kz тілшісіне облыстық төтенше жағдайлар департаменті мен Қорғаныс министрлігі мамандары хабарлады.

«27 наурыз күні сағат 09.07-де БҚО ТЖД бірыңғай кезекші диспетчерлік қызметке Бөкей ордасы ауданының Шонай елді мекенінен 500 метр жерден снарядқа ұқсас анықталмаған зат табылғаны туралы ақпарат келіп түсті. Оқиға орнына әкімдік, аудандық ішкі істер бөлімі, қорғаныс департаменті, экологиялық қызмет, төтенше жағдайлар бөлімі мен аудандық прокуратура мамандары барды», – деп мәлімдеді облыстық төтенше жағдайлар департаменті.

Заттар табылған жерді қарау барысында Бөкей ордасы ауданы әкімдігінің жедел тобы құлаған заттың метеорологиялық зымыран екенін анықтады. ҚР Қорғаныс министрлігі де Шонай елді мекені маңынан табылған қалдықтардың метеорологиялық зымырандікі екенін растады. «Зымыран Ресей қорғаныс министрлігінің «Капустин Яр» полигонынан 2014 жылға арналған сынақ жұмыстары жоспары шеңберінде ұшырылған, бұл жоспар 2013 жылдың 28 қарашасында Қазақстан Қорғаныс министрлігімен келісілген», – делінген таратылған хабарламада.

Қорғаныс министрлігінің мәліметінше, сынақ барысында қозғалтқыш қондырғысы істен шыққан, сөйтіп зымыран полигон аумағына жетпей қалған. Зымыранның құлаған қалдықтарынан зардап шеккендер жоқ, экологияға шығын келмеді. Қазір Қорғаныс министрлігі оқиға себептері анықталғанша Қазақстан аумағындағы Ресейге жалға берілген әскери алаңдарда сынақ жүргізуді тоқтатты.

Еске сала кетейік, 27 наурызға қараған түні Батыс Қазақстан облысының Бөкей ордасы ауданы аумағына зымыран құлаған болатын. Оның сол түні «Капустин Яр» полигонынан ұшырылғаны хабарланды. Шонай елді мекені тұрғындарының айтуынша, жергілікті уақыт бойынша сағат 01.00 шамасында ауыр заттың гүрс етіп құлағаны естілген және жер сілкінген. Ауылдың шетіндегі тұрғындар үйлерінен шығып қарағанда, 300-400 метр жерден жалын көрінген.

tengrinews.kz

4 ПІКІРЛЕР

  1. Қазақтар, жылай бергенше, Антигептил тобына қаржылай көмек көрсетейік. Осы құлаған жерге барып репортаж жасасын, әлемге таратсын. Теріс пікір тудыра беру керек орыстарға. Сосын М.Тайжан өз есеп берген істерінде айтқан, полигондарды қысқартуға септігімізді тигіздік деп. Осы материалдарды да жиып-теріп халықаралық сотқа дейін апармақшы, Антигептил тобы. Оған 2 адам, оператор, жорналшыға жолға ақша, жататын орын, тамақ дегендей. Бірақ өзімізден қолдау болмай отырғай. Осы айда 7м.тг. жібергем. Негізі ай сайын 1м.тг. салып тұрамын деп міндеттенгем. Солай істеймін де. Басқа да азаматтар бар, Думан Кәкім деген бала, салған адамдардың атын, қайда жіберілгенін айтып отырады фейсбукте, адрес, тел. беріп. Барлығын тексеруге болады. Бірақ жиылып отырған қаржы ретімен жұмсалған. Дәл қазір, сол ауылға баруға қаржы жоқ болып жатырғой деймін. Мен сіздерді айына 1теңге міндетті салып отыруға шақырамын. Сонда жұмыстары алға жылжып отырады.

  2. Казактын макалы жуас туйе жундеуге жаксы деп ресей бздн
    Терйторямзга салкн тйгзуде бздынел сабрлы турде куытуде..

  3. Бұндай уақиғаларға өкімет басшыларын етері әбден үиреніп алдығой үнсіз тынатын тағы бір іс болар бар болғаны.
    Жалпы халық алдындаға ұлт мүлдесінің қызметі үшін жүрген адамдар ұлт сенімін, олардың алдындағы міндетін, кабинетный должность, мансап яғни карьера деп түсінген адамдарда намыс деген болмайды

Пікір жазу

Пікіріңізді енгізіңіз!
мұнда сіздің атыңызды енгізіңіз