Алматыда өзін-өзі жарып жіберген жігіт ислам дінін қабылдаған

2
1409

Алматыдағы көпқабатты үйде болған жарылыстың себептерін анықтау үшін полиция арнайы сараптама жүргізеді. Ал жас жігіттің РГД-5 әскери гранатасының жарылуынан қаза болғанын растады.

Алайда мүгедектік арбаға таңылған адамның қолына жарлығыш зат қайдан түсті деген сұрақтың басы ашық. Көршілері өзін өлімге қиған Роман Поздняковтың отбасын жақсы жағынан сипаттайды. Он екі жылдан бері жарымжандар санатына енген жігіт жан күйзелісіне ұшыраған деген болжам бар.

Жарылыс сол маңдағы көп қабатты үйлердің тұрғындарын қатты шошытқан. Ел аяғы әлі басыла қоймаған сәтте дүмпу мына үйде болды. Бірінші қабаттағы пәтердің терезелері сынған. Жарылыс болған жерге дереу жеткен криминалдық полиция тергеуді бастады. Ал денесі бөлшектеніп кеткен жігіттің мүрдесін арнайы көлікке тиеп алып кетті.

Оқиға орнына жеткен арнайы қызмет өкілдері РГД-5 гранатасы жарылды деген шешімге келді. Төтенше жағдай 28 жастағы жігіттің жатын бөлмесінде орын алған. Ал сол сәтте үйде тағы да екі адам болған. Олар Роман Поздняковтың анасы мен жамағайыны еді. Абырой болғанда, олар зардап шекпеген.

Жақындарының айтуынша, мүгедек болып қалған Роман осы уақытқа дейін орнынан тұрып кетудің амалдарын қарастырумен болған.

Тіпті анасымен бірге Қытайға барып ем-шара іздеген. Ал пәтеріне арнайы құрылғыларын орнатып, дене жаттығуымен айналысқан. Ғаламторға жариялаған мына бейнематериалдарға қарағанда, ол біршама оңалып қалған.

«Достары алып шығып қыдыртып жүргенін көретінмін, басқасын білмеймін. Бірақ кешегі жарылысты естідік, шошып кеттік балалармен бірге», – дейді кқршілердің бірі.

Қазір полиция бұл оқиғаны жіті тексеріп жатыр. Құқық қорғаушылар өздігінен жүре алмайтын жігіттің жарылғыш затты қайдан алғанын анықтауы тиіс. Жарылыс орнына келген саперлер өзге қауіпті жарылғыштарды таппады.

Жігіттің осыдан жарты жыл бұрын ислам дінін қабылдап, намаз оқып жүргені белгілі болды. Ол есімін де мұсылманша Рамазан деп өзгертіпті.

Романның таныстары ол өмірге құштар әрі емен-жарқын болатын деп еске алады. Ол орнынан тұрып кету үшін жасайтын жаттығуларын өзгелерге үлгі етіп, ылғи ғаламторға салып отырған. Тіпті кеше оқиғадан он минут бұрын ғана әлеуміттік желіге шығып, достарымен пкірлескен. Сондықтан оның өзіне-өзі қол салу әрекетіне не түрткі болғанын жақындары да біле алмай отыр.

Астана телеарнасы

 

 

 

2 ПІКІРЛЕР

  1. кайбир жетискеннен озин жарады. басына киыншылык кундер туган, кундерин азер корип жургендерди дини сектаға тарту онайдын онайы.мемлекеттин шаруасы жок.бири олип бири тири калсын.каскыр заманында оз озине мыкты болмасан.ешкимге еш нарсе керек жок.азап шегетин карапайым халык.бари бар жагдайы бар жумысы бар адам еригиппп динге бармайд

  2. есиктин алдындагы кишкене гана кушикти уруга журегимиз дау алмайды,оз баласын кинаган ана адам емес.адам кейпиндеги кубыжык.

Пікір жазу

Пікіріңізді енгізіңіз!
мұнда сіздің атыңызды енгізіңіз