Зейнетақы мен жәрдемақы артады

6
7139
Бүгін Парламент Мәжілісі «Қазақстан Республикасының кейбір заңнамалық актілеріне әлеуметтік қамсыздандыру мәселелері бойынша өзгерістер енгізу туралы» заң жобасын екі оқылымда мақұлдады. Құжат халықты әлеуметтік қамсыздандыру мақсатында, соның ішінде сәуір айынан бастап зейнетақы мен жәрдемақылар мөлшерін арттыруды көздейді, деп хабарлайды Tengrinews.kz тілшісі.

«Заң жобасында базалық зейнетақы төлемдерінің мөлшерін, зейнетақысы ағымдағы жылдың 1 сәуіріне дейін тағайындалған адамдардың зейнетақысын, сондай-ақ, осы жылдың басынан бастап зейнетақы мөлшері арттырылғанын қоса есептегенде, 12 пайызға, еңбек өтіліне қатысты зейнетақы мөлшерін 14 пайызға дейін көбейтіледі. Бұл ретте зейнетке ағымдағы жылдың 1 сәуірінен кейін шығатын адамдардың зейнетақысын да зейнетке бұған дейін шыққан адамдардың зейнетақы төлемімен теңестіруге мүмкіндік болады. Ал қабылданатын шаралар базалық зейнетақы төлемінің мөлшерін 10 450 теңгеге немесе 12 пайызға дейін, еңбек өтілі бойынша алынатын зейнетақы мөлшерін (базалық зейнетақы төлемін қоса алғанда) 46661 теңгеге дейін көбейтуді қамтамасыз етеді», – деді Мәжілістің жалпы отырысында Еңбек және халықты әлеуметтік қорғау министрі Тамара Дүйсенова.

Оның сөзіне қарағанда, қазіргі таңда Қазақстандағы зейнеткерлердің саны 1,9 млн. адамды құрайды. Олардың зейнетақысын арттыруға қосымша 40,6 млрд. теңгені құрайтын қаражат қарастырылады. Бұдан бөлек, мүгедектігі бойынша және асыраушысынан айрылу жағдайы бойынша берілетін мемлекеттік әлеуметтік жәрдемақылардың мөлшерін арттыру ұсынылып отыр.

«2014 жылғы 1 сәуірінен бұл жәрдемақы 12 пайызға, ал 2015 жылғы 1 шілдеден бастап 25 пайызға дейін көтерілетін болады. Егер бірінші топтағы мүгедек өткен жылы 25 378 теңге алған болса, 2015 жылғы 1 шілдеден бастап – оның жәрдемақысы 38 028 теңгені құрайды және бұл өсім шамамен 50 пайызды құрап отыр», – деді министр. Бұдан бөлек, заң жобасында сондай-ақ ағымдағы жылдың 1 сәуірінен бастап балалы отбасыларға берілетін жәрдемақылардың мөлшері мен азаматтардың жекелеген санаттарына арналған арнаулы мемлекеттік жәрдемақылардың мөлшері 12 пайызға дейін өседі.

Сондай-ақ, сәуірден бастап бюджеттік сала қызметкерлерінің лауазымдық қызметақысына ерекше еңбек жағдайлары үшін 10 пайыз мөлшерінде ай сайынғы үстемеақы енгізу есебінен олардың еңбекақысын арттыру көзделеді. Бұл 1,5 миллионға жуық адамды қамтиды, ал олардың ішінде – 1,1, млн. адам азаматтық қызметшілер болса, 236,8 мың адам біліктілігі жоқ жұмысшылар, 88,5 мың адам штаттан тыс қызметкерлер. Осы бастаманы іске асыруға 63,5 млрд. теңге бөлінбекші.

«Ал бала асырап алушыларға берілетін жәрдемақы төлемін арттыру мақсатында «Отбасы институтын нығайту мақсатымен «Неке және отбасы туралы» Кодексіне өзгерістер енгізіледі. Ол бойынша бала асырап алушы – Қазақстан Республикасы азаматтарының құқығын ұлғайту қарастырылады. Яғни, Үкіметке ата-анасының қамқорлығынсыз қалған жетім балаларды асырап алушыларға біржолғы ақшалай төлемнің мөлшерін тағайындау және қайтару тәртібін бекіту құзіреті беріледі», – дейді Тамара Дүйсенова. Бұл ретте, бала асырап алуына байланысты берілетін біржолғы ақшалай төлемді жүзеге асыруға 2015 жылы – 386,2 млн. теңге, 2016 жылы – 423,8 млн. теңге бағытталатын болады.

Заң жобасы Сенатқа жолданды.

tengrinews.kz

6 ПІКІРЛЕР

  1. өтірік сенбеңдер баланың және балаға қарап отырған ананың пособиясы көбиеді дегенге өліп қалсаңда кәрім мәсімов көбеитпеиді себебі қазақтың ұл-қыздары көбеиіп кетеді

  2. Менде екі баланың анасымын жалғыз басты деугеде болады куйеуіммен некеде жоқпыз оның тұрғылықты жұмысы жоқ ы басымызда баспанамыз жоқ ең төмен санаттағы адамбыз бұлайша айтқанда жалдамалы пәтерде тұрамыз əркімнің есігін сығалап қуып жібермесе екен деп құдайдың құтты күні жүрек ұстап отырамын куеуімнің тапканы я жарытып киіне де жей де алмаймыз міне осы мен сияқты киналған отбасыларға жәрдем ақыны көбейтіп өкіметтен үй немесе жер берілсе ешкім бұлай зарын шаспас еді рахмет.

  3. Арине 4 бала коп балалы отбасы деп ауыздарын толтырып айтканда баледей толенетин жардемакы 8000 тенге уят- ай бир баланын аяк киимине де жетпейди 2016 кантарынан бастап300 тенге косыпты оган не дейсиз адамнын жылагысы келетин жайт кой бас жакта отырган кисилер осыган конил более екен

  4. Жардемакы мен зейнетакыны еке есеге котерген дурыс. Казирги уакытта баланын жардемакысы ештенеге жетпейди
    Демографияны осирип бала санын кобеитип жатсакта ана мен балага болинетин каражат кай жыртыкка жамау болатынын билмеймн. Памперс баланын витаминдери кием кешектеринеде жеткиликсиз. Сондыктан 3жаска деин жардемакыны толесе екен деп ои пикиримди билдиртемин укимет басшылары.

  5. Дурыс жардемакы мен зейнетакыны осиру керек.Казир бари кымбат.Бала акшасы ештенеге жетпейди.Бала акшасын 3 жаска дейн узартса деп пикир билдиремин.

Пікір жазу

Пікіріңізді енгізіңіз!
мұнда сіздің атыңызды енгізіңіз