Боинг-777 ұшағы 1 тәуліктен кейін табылады

0
1069

Моңғол астрологы Нямдорж 8 наурызда 239 жолаушысымен із-түссіз жоғалып кеткен малайзиялық Боинг-777 ұшағы 1 тәуліктен кейін табылады деп болжап отыр, деп жазады news.mongolnow.com.

«Анығын айта алмаймын, бірақ ұшақ теңіз түбінде жатқанын білемін. Ұшақтың сынықтары сол теңіздің жағасынан табылады», – деп қосты көріпкел. Тілшінің «Ұшақтағы 239 жолаушының бәрі табыла ма?» деген сұрағына ол: «Ондағы бір де бір адам тірі қалған жоқ» деп жауап берді.

Malaysia Airlines әуекомпаниясынан хабарлағандай, Куала-Лумпурдан Бейжіңге шыққан ұшақтың ішінде Қытайдың 153 азаматы, олардың ішінде біреуі бала, Малайзияның 38 азаматы, 12 индонезиялық, 6 австралиялық, 3 француз, 4 американдық, оның ішінде біреуі – бала, Украина, Жаңа Зеландия және Канадан екі-екі адамнан, Ресей, Италия, Тайвань, Нидерланды және Австриядан бір-бір адамнан болған.

Ал 12 экипаж мүшесі жайында «Malaysia Airlines» компаниясы әзірге ешқандай ақпарат таратпай отыр.

Қазақпарат

 

 

Пікір жазу

Пікіріңізді енгізіңіз!
мұнда сіздің атыңызды енгізіңіз