Қазақстан азаматы отандастарын Сириядағы соғысқа қатысуға үгіттеп жүр

Ақмола облыстық прокуратурасының мәлімдеуінше, осы облыстың А. Жансейітов есімді азаматының үстінен қылмыстық іс қозғалып, оған іздеу жарияланды.

Бұған "Жансейітовтің әлеуметтік желіде Қазақстан азаматтарын Сириядағы қарулы қимылдарға қатысуға шақыруы" себеп болған. Бұл азаматқа қылмыстық кодекстің "терроризм мен экстремизмді насихаттау немесе терроризм ұйымдастыруға шақыру" айыбы тағылды. Ресми орган сырттай қамауға алынған Жансейітовтің суретін, туған жылы мен жері сияқты жеке бас мәліметтерін беруден бас тартып отыр. Қазақстанның қылмыстық іс жүргізу кодексі бойынша сырттай қамауға алу туралы бап, іздеу жарияланған күдіктілерге қатысты қолданылады. Мұндай күдікті ұсталған жағдайда бірден қамауға алынады. Қазақстандық бірнеше азаматтың Сириядағы соғысқа діни негізде аттанғаны күзді күні белгілі болған еді.

nur.kz