«Айтуға оңай» – журналистеріне «оңай» болмай тұр…

47
15418

Бағдарлама ұжымы түгелдей жұмыссыз қалды…

 

Аз болсын, көп болсын, жақсы болсын, жаман болсын — «Айтуға оңайда» бір жарым жылдай жұмыс істедім. Қызметтес болған қыз-жігіттердің бәрі де өрімдей жас болатын. Бірақ, сол жастықтарына қарамай талай жұмысты атқарды. Жаңа жылдық шығарылымға дейін 300 бағдарлама түсіріп, 2400 негізгі қонақ, 20 000 арнайы қонақ шақырып, елімізде шешімін таппаған әлеуметтік-тұрмыстық тақырыптардың барлығын қамтыды. Көптеген жетім мен жесірге, ауру мен сырқауға, көрінбей жүрген таланттар мен еленбей қалған азаматтарға азды-көпті жәрдем де жасалды. «Айтуға оңайда» істеген әрбір жас бағдарламаның ыстығына күйді, суығына тоңды. Алайда, жаңа жылдан соң дәл сол ұжым түгелдей жұмыссыз қалды. Көбі жұмыссыз қалғандарын білген де, түсінген де жоқ. Бәрі аяқ астынан орын алды.

Жазсам ба, жазбасам ба деп көп толғандым. Тек мен ғана емес, өзім қатарлы 20 шақты жас қыз-жігіттерге қатысты болған соң тәуекелге бел будым.

Осыдан 7-8 күн бұрын өзім аса қадірлейтін Бейсен Құранбек ағам хабарласты. Өзінің «бұл бағдарламадан шаршағанын және бұдан ары жалғастыра алмайтынын айтып, бірге қызметтес болған сәттердегі артық-кем қылықтарым болса кешірерсің» деген сипатта сөйлеген. Расын айтқанда жүрегім ауырып, қимай қоштасқам. Өйткені, Бейсен ағамыздың «Айтуға оңайдан» кететінін, басшылық құраммен енді қайтіп жұмыс істесе алмайтынын айтып жүргеніне аз болмап еді. Тіпті, өткен жазда әлдебір ақпарат құралдарына «бағдарламадан кетіп қалдым деп те» сұхбат берген. Әсіресе, жүргізуші ағамызды «Қазақстан» РТРК-ның «Медиа пландары» шаршатқан еді. «Мұндай өтірік, жасанды бағдарлама жасай алмаймын, жүргізгім келмейді» деген сөздерін талай естідік. Ұжымдағы қыз-жігіттер жалынып жүріп, «сіз кетсеңіз бағдарламаның реңі өзгереді, көрермен қауым өзге жүргізушіні қабылдай алмайды» деп, жүргізуші ағамызды әрең көндіргенбіз. Ол өз кезегінде: «Мен жаңа жылға дейін істеймін, содан соң дүние күйіп кетсе де бағдарламадан біржола кетем» деп еді сонда. Жаңа жылдық бағдарламаны түсірген соң да кабинетте жайылған дастархан басында бәрімізбен қоштасқан еді. Біз сонда да ағамыздың ұжымды жол ортадан тастап кетпейтінінен үмітті едік. Бірақ, бәрі біз ойлағандай болмай шықты. 7-8 күнгі бұрынғы қоңырау шалыстан кейін 4 күн өткен соң бағдарламаның сюжет жөніндегі режиссері, досым Даниярға хабарластым. Сөйтсем ол: «Біз «Айтуға оңайды» істеп жатырмыз. Ертең студияда түсірілім болады», — деді. Төбемнен жай түскендей әсер етті.
– Кімдер бар ол жерде? Қалай істеп жатырсыңдар?
– Бейсен аға өзі бастап, басқа адамдарды шақырып, жұмыс бастап кеттік. Бұрынғы ұжымнан тек мен ғана.
– Ал, біз ше? Істемейміз бе сонда? Неге айтпадыңдар?
– Бейсен аға өзі хабарластым деген бәріне. Түсіндірдім деді ғой.
– Ол кісі мағанкерісінше «кеттім, істемеймін» деп қоштасып еді ғой?
– Ол жағын білмедім Нұреке. Айып менде емес енді.
Осы әңгімеден кейін Бейсен ағаға хабарластым. Сөйтсем, ағам жұмысқа қызу кірісіп кетіпті. Ал, «өзіңіз әрдайым шырылдап, жұмыссыз қалмасын, осылардың ертеңіне алаңдаймын деп айтып жүретін ұл-қыздарыңыздың жайы не болмақ» деген сұрағыма: «Маған Серік Аббас-шах ағам «менің ұжымыма тиіспе, мықты болсаң өзің басқа команда жасақтап ал» деп айтты. Сондықтан сендерге ештеңе дей алмадым», — деген уәж айтты. Таң қалдым… Бір жарым жыл жұмыс істеген ұжымды қалай ғана бір сәтте «бөтенси» қалды ағамыз? Рас, Серік аға ұжымды жасақтады, жинады, айлық берді. Бірақ, жұмыс істеу құқығымызды сатып алған жоқ қой. Тым болмаса, «балалар менімен бірге жұмыс істеуге қалайсыңдар» деген сұрақ қойса, содан соң біз бәріміз келіспей қойсақ айып бізде болар еді. Жап-жас, өрімдей, жиырмадан енді ғана асқан 20 шақты ұл-қыз енді жұмыссыздардың қатарына қосылды. Одан кім ұтады? 1 жыл бойы бағдарламадан кететінін айтып айтып жүрген ағамыз бүтіндей бір ұжымды қалай ғана оп-оңай күресінге лақтыра салды?

Айтпақшы, бағдарламаның продюсері қызметін атқарған Ерке Байжігітова: «Серік аға ұжымға тиіспе деп айтқан жоқ. Керісінше, менің көзімше Бейсен ағаға хабарласып, тым болмаса жартысын жұмысқа алсаңшы деп еді, Бейсен аға бірден үзілді-кесілді бас тартты», — деп отыр. Кімге сенеміз? «Екі түйе сүйкеніп, ортасында шыбын өліптінің» кебі емес пе? Тағы да көп сұрақ…

Нұрбек Түсіпхан

saigez.kz

47 ПІКІРЛЕР

  1. Нұрбек айналайын, сен Бейсен Құранбекке бекерге жабысып, айыптап отырған жоқсың ба? Ол бүкіл ұжымға, барлық әріптестеріне ризалығын білдіріп ток-шоудың жабылғанын айтыпты ғой. Ал сен былай бұра тартып отырсың. Қайсыңдікі дұрыс, қайсысіңдікі бұрыс? Халық қайсысыңның сөзіне сенсің? Әйтеуір, біреуің өтірік айтып отырсыңдар. Ұлттық арнаның ішін баяғыдай салафиттер жайлап кетті дейді. Осы рас па? Өздерің мұндайдан амансыңдар ма, әлде сау сиырдың боғы емессіңдер ме?

  2. Мақпал Жұмабай қәте ынғайсыз айтылады,
    Мақпал Жұмабай қызы деп айтылса өте әдемі болар еді.Міне Айтуға оңайды көріп отырмын
    бүгінгі санды, Арабтарға қараң ибн деген сөз қосылады,мысалы Ахмед ибн Мансур деп
    сонда біз қазақ ұлы ,қызы деген созді қосып жазссақ туры болады деп ойлаймын.
    Бейсен Құранбек ұлы деп Тамара Асар қызы деп тілімізді өзгертейік ағайын қазағым,
    Осы теманы көтерің Бейсен Құранбек ұлы
    айтуға оңайда.

  3. Менің жеке пікірім қазақ ,мәдениет және әдебиет жолындағы мамандарға жолдаймын.
    Менің айтарым мына қазақ тіліндегі,қате түсініктер терминдер мысалы айтылады мыңда бір рахмет деп,сонда не рахмет біреуақ па,
    былай айтылу керек шексіз рахмет деп яки бихисаб рахмет деп,мынадай создер бар,
    аллаға мыңда бір шүкір,яки сізге мыңда бір рахмет деп,бұл қате термин .Және бір қате термин,кішкене баланы пішу ,жоқ олай емес
    баланы сүндет қылу сүндетке отырғызу,
    баланың қолын халалдау туры түсінік,пішу піштіру дегенді ветеринар дәрігерлер қолдайды
    Пішу деген еркек малдың екі жұмыртқасын алып тастау айтылады.Және бір қате келіннің бетін ашуда ақын ,әшейін таяқты қолданады,
    жоқ олай емес,бет ашуға миуе ағаштан шақасын кесіп алып пайдалану керек.
    Енді және бір қате есім мен фамилья жазуда
    қазіргі уақытта мысалы Бейсен Құранбек
    ерсі естіледі ,Бейсен Құранбек ұлы,Тамара Асар қызы деп айтылса көркем әдемі болып естіледі, Бұл жазылғандар менің жеке пікірім.

  4. Ассаламуағалейкум Айтуға Оңай бағдарламасының ұжымы. Мен ОҚО, Мақтарал ауданы, Асық-Ата кентi, ц/о Абай ауылының тұрғыны, Бердашев Бектұрсын Сәрсенбекұлы. Мен 19жасымда, омыртқаларым ауырып сырқаттандым. Басында грыйжа екен деп емделiп жүрдiм, укол, таблеткалар қабылдадым. Ауруым тоқтамады. 22жасымда, енкейiп омыртқаларым, мойыным, қатабастады. Балезн Бехтерва диагнзын қойды. Қазiр 28жастамын. Енкейiп омыртқаларым, мойыным, айақтары, қыймылдамай тартылып қатып қалдым. Қазiр 1-топ мүгедекпiн. Сiздерден өтiнiш. Айтуға Оңай бағдарламасымың бiр санын, Адам қозғалмай қатып қалатын, Бехтерва ауруына арнасаңыздар. Тажiрибелi Враштар, және Бехтерва мен аурған науқастармен, Бұл ауру қандай ауру, бұның емi барма? Бұны емдеуге болама? Мидитсина бұл ауруды емдейаламаекн. Сiздерден көмектеулерiздi сораймын. Күнен күнг тырысып, қатыпбарамын. 18, 02, 2017ж. 87754458120

  5. менің атым Гюдер Бағила,жасым 17 де,осы бағдарламаға катыскым келеді,осы бағдарлама арқылы өз мәселемді шешкім келеді,өтінем маған көмектесіңіздерш.Айтуға оңай бағдарламасынан көмек сұраймын. Бейсен аға сіздің сіздің қаншама адамға көмек берненіңізді күнде бағдарлама арқылы көрудемін,маған да көмек қолын созасыздар деген ниеттемін.

  6. Айтуға оңай жақсы бағдарлама. Әрине Бейсен Құранбекке де жан бағу керек. Мына заманда шындықты айтып ештеңеге жете алмайсың. Қазіргі кезде барлық басшылықтағы адамдар робот тәрізді десем болады Оның үстіне қазақ болсаң осындай боласың қазақ репрессияны өз қолымен жасаған. Сондықтан ештеңеге таң қалмау керек. Мен Бейсен Құранбектің 180 градусқа айнала салатынына сенемін. бірақ ол жақсы жүргізуші. Адам пенде болған соң пендешілік болады. Әр адамның бойында жақсы қасиет болуы сөзсіз. Өйткені қазақпыз. Сол жақсы қасиеті үшін халықтың есінде қалатын адамдарды кешіруге болады. Жақсы жағын көбірек көру керек. Ал жаман жағын Алланың назарына қалдырыңыз. Бұл өмірде әрбір жаман іс жауапсыз кетпейді. Алладан жетсін деңіз. Көп назаланса ескерілуі мүмкін. Көптің тілегі қабыл болады Ал «Айтуға оңай» бағдарламасы қалай да жұмысын жүргізгені дұрыс деймін.

  7. «АЙТУҒА ОҢАЙ» бағдарламасына психолог маман ретінде бардым. Қазір де шақырады, бармаймын жəне барғым келмейді. Себебі, Бейсен көкірек, тіпті амандасқанымызда сəлемімді алмады. Ал, атақты адамдарға қатты жалпаңдап, жағымпазданады. Түрінен көрініп тұр пасық , сасық көкірек екені. Мұндай мінез-құлқымен ұзаққа бармайды.

  8. Адамды қаралау оңай да, ақтап алу өте қиын. бірін ақтап, бірін даттаудан аулақпын.Менің айтарым сырттан сөйлемей бетпе-бет сөйлесу керек еді,аяқтан шалғандай болып сырды жұртқа жариялағанша,еліміздің ер азаматтары майда сөз болып кеткен бе?

  9. Мен NINETY ONE ТОБЫНА өлең шығардым
    NINETY ONE деген топ ашылды
    Сырға тағып,құртты қазақ дара шыңды
    Өлеңімен қазақты таң,қалдырғанмен
    Сырғасымен жиіркендіріп бар асылды
    Осы топтың бетіне айта аламын
    Ринат пен Шақановты қайталадым
    Қазақтың балалары сырға тақса
    Бұндайдан қалай ғана жай табармын
    Сырға тағып киініп қатын қусап
    Бейне құртып өлеңді қылып пышақ
    Мен өзім өлеңіне қызықпаймын
    Домбырамен айтсаңшы шамаңды сап

    АЙТУҒА ОҢАЙ БАҒДАРЛАМАСЫ осыны оқысаңыздар маған жазыңыздаршы өтінемін.

  10. Бейсен ағамыз бүкіл болымысымен ұлт үшін жаралаған жан. Жаңа каманда жасақтаса өзіндік себебі болған ғой. Жақсыны жерлемекке əуес болғанды қояиықшы. Шын талантты болған адам жұмыс үшін ешкімге ренжімес.

  11. Оз басым Бейен аганы аса курметтеймин! Озимде осы салада жургендиктен, ол кисиден жалпы алатын онегелер мен улгилер коп. Билгирлиги мен биликтилигин багалаймын. Жакын сойлесип, танысып билиспегенннен сон бирдеме деу киын. Алайда ол кисиден журналитика саласынын кыр-сырлары жонинде тажирибе алуды арман ететинимди жасырмайм.

  12. Сәлеметсіздер ме. Менің сіздерге айтар бір әңгімем бар. Менің анам ерекше. Оның жүрегі оң жағында. Бір қызығы ол 37 жасына дейін өзінің жүрегінің оң жағында екенін білмеген. Ол мен дүниеге келер кезде ғана жүрегінің оң жағында екенін білген.Осыны сіздерге айтқым келді.Мына номерге хабарласуға болады:87011619332 87776659965.

  13. Мен «Айтуға оңай» бағдарламасын қызығып, көп көретінмін. Бірақ, жасөспірім сіңлім мен немере ағам менің журналистік еңбектерімнің өткірлігінен бір жылда екеуі екі монополистердің қолында қаза болып, қозғалған қылмыытық іс №12514001100018- ОҚО прокуратурасының парақорлығынан сотқа негізсіз бармады.Қысқартумен болса, мен Астанаға ауру аяғыммен әр маусымда барып, қылмыстық істен қысқартуға қарсы Қаулы шығартып келіп жаттым. Менің қолымда өте күрделі осы екі өлімнің себебін ашатын айғақтық құжаттар түпнұсқалары жинақталып тұр. Мен : «Құранбек Бейсен мырзаға барсам» деп, армандап жүр едім. Менің бауырларымның өліміне мен бұзған бір соттың шешімі себеп болды. Бұл судья аатақты «Агашканың» (свовода словадағы) туған бөлесі болғандықтан, «Агашканың ақыры» деген мақаламды ала барар едім. негізгі мақалам: «медициналық коррупциядан қаза болған қыз» деген мақалам Ар-Дақ» газетінде №49- санында жарық көріп еді. Бүгінде мына «Бүркітті» биліктің бүріп жегенін, төменгі биліктің түріп» жегенін жазудан қалдым. Бұдан алдын антикоррупциялық арыздарым мен мақалаларым «Діл» республикалық газетінде тілші болып істеп жүргенімде көп жарияланған болатын.
    менің мекен жайым: ОҚО, Қазығұрт ауданы, қазығұрт ауылы, Ынытмақ көшесі-34\2, соткам: 87025615690
    мені шақырса, барлық айғақтарым мен еңбектерімді ала барар едім. Мен Қ.Р. Журналистер Одағының мүшесімін, әрі ЕКҰК ОҚОФ жұмыс істеген едім. Қаржы полицейлерінен келген хаттар –бұрынғы еңбектерімнің көрсеткіштері.

  14. Салеметсиздербе маган алматыдагы мүгедектерге арналган коллеж керек еди мекен-жайы керек сосын телефон номири керек

Пікір жазу

Пікіріңізді енгізіңіз!
мұнда сіздің атыңызды енгізіңіз