Жылуы мен суы қымбаттаған халықтың әл-ауқаты мәз емес
2014 ж. 06 қаңтар
1069
0
Тағы да қымбатшылық. Жанармай мен жол жүру құнының көтерілгеніне көнген халық, ауыз су мен жылудың қымбаттағанына наразы. Наразы болғанда да, іштей наразы... Қостанайда жылу мен ыстық су қымбаттады.
Бұл туралы "Қостанай жылу энергетика компаниясы" кәсіпорны хабарлады.
Ақпарға қарағанда, 1-қаңтардан бастап 1 шаршы метрді жылыту құны 132 теңге 48 тиынға қымбаттады. Бұған дейін қостанайлықтар аталған қызмет үшін ҚҚС қоса есептегенде 124 теңге 92 тиын төлеп келген болатын.
Есептеу құралдарын пайдаланбайтын жеке тұлғалар 1 Гкал үшін бұрынғы 909 теңге 91 тиынның орнына 964 теңге 82 тиын, ал заңды тұлғалар 4 мың 139 теңге 84 тиын төлемек.
Ыстық судың бір текшеметрі ҚҚС қосқанда 268 теңгені құрады (бұрын 252 теңге 75 тиын болатын).
