Тасмаңдай елдің Тасбайлары көп болады…

40
1234

            

Біздің Парламент мүшелерінің көбісі ойына не келсе, соны айтатынды шығарды. Әрине, ауыз өзінікі деп қоя салуға болар еді, бірақ халық мүддесі , ұлт тағдырын ойыншық еткісі келетіндер Ресей тілінде сайрап жатқанда, неге біздің биліктегілердің құлдық психологиясы жойылмай қойды деген ой қаныңмен бірге басыңа шапшиды…

              Өткенде, Тасбай Симамбаев деген сенатор Үкімет басшысына сауал тастады. Сауалының түрі – қазақ тілі, яғни, мемлекеттік тіл – тасбайларды да сенатор етіп отырған тасмаңдай мемлекеттің тілі «тез арада қабылданып кетейін деп жатыр» екен… Қорқынышының түрін-ай десеңші… Әлемдегі Қазақстаннан басқа кез-келген елде, қазақтан басқа кез-келген депутат, әрине, есі ауып қалғаны болмаса, барлығы : «Мемлекеттік тіл неге тез қабылданбайды?»-деп сұрақ қояды емес пе?..

             Нағып осы бізге билік басындағылардан бастап кілең өз ұлтынан жеріген нигилистерді жинап берген? «Жұрттың Ыбырайлары-Ыбырай да, біздікі кілең сұмырай!»дегенді бір байғұс әбден күйгеннен-ақ айтқан екен де… Тасбайдың талмай телміретін Ресейінде бір депутат, мейлі, оларда федерация болса да, осылай айтып көрсінші, көзіне көк шыбын үймелетер еді. Ал қырғыздарға келсек, ақ қалпақты арынды ағайындар бұлай сайрайтындарды қазір алаңда атпен қуалап жүріп сабайды… Ал Өзбекстанда болса… онда симамбаев сияқтылардың сиқын елестетудің өзі аянышты…

             Жалпы, осындай ел мұңын ескермей,ұлт тағдырын саудаға салар «саясаткерлердің» Парламентке қалай жол тауып баратынына таңғаласың. Халыққа казір»өздеріңнен көріңдер, осыны да сайлап жүрген» деп айта алмайсыз.

              Себебі, бір партиядан жиналған бұл парламентті халық сайлаған жоқ.. Билік, Ақ Орда, сайлау заңын белден басудан социалистік   жарысқа түскен әпербақан әкімдер мұрындарынан сүйреп жүріп «сайлады». Сенбейсіздер ме, баяғыдан солай. Әне бір жылы «Әділетсіз сайлау өткізіп, Әділет министрі болған» («Жас қазақ үні») Зағипа Балиева бүкіл депутаттарға, нашар оқушыларға ұрысқан қатал апайдай: Тыныш отырыңдар, әйтпесе, сендердің бәріңнің қалай сайланғандарың маған белгілі» деп зекіп қалғанда, түгел жым бола қалды. Масқара-ай, бір де бір депутат, ішінде осы талайдан тасы өрмелеп келе жатқанТасбайың да бар, «Сіз не деп тұрсыз, мені халық сайлаған» деп ауыз аша алмады –ау. Сонда қалай өзі, шынында… Бүкіл шенеуніктер мен кәсіпкерлеріміздің кез келгенінің қолынан мемлекет басшысы ұстап алып, сотқа апара алатынын өзі айтқан. Яғни, олардың бәрі қылмыскер болғаны ғой, сонда… Ал депутаттардың кез-келгенінің әділетсіз сайланғаны мынау…

            Бізді өзі кімдер билеп, кімдерге заң қабылдатып отырмыз? Сайлау заңын бұзу- қылмыс. Сонда біз заң бұзғандарға заң жазғызып отырмыз ба?.. Біз қайда бара жатырмыз?

            Бізде депутат сайлағанда да, ылғи ыңыршағы айналып, ұлт дегенде иіс алмастарды әдейі теріп жүріп жинағандай әсер қалдырады. Қазір Парламентте ұлтқа жаны ашитындар саусақпен санарлық.. Егер дәл қазір, айтқан жерден аулақ, билік «Біз Ресейге қосылмасақ күн көре алмайды екенбіз, қайтадан отары болайық» деп, дауысқа салып жіберсе, біздің тасбайлармен тартып отырып, Ресейден бір-ақ шығатынымыз айдан анық.. Менің осы сөзіме бір де бір адам қарсы шыға алар ма екен… Өкінішке қарай, ешкім жоқ, өйткені шындық осы. Дәлел керек пе? 2004 жылы 90 пайыз депутаттар қазақ тіліне қарсы шыққан. Оның 90 пайызы тағы да қазақтар. Ішінде тағы да Тасбай бар, олардың тізімін «Жас қазақ үні» түгел жариялаған. Тілін керек қылмағандар елін не қылсын?..

           Сенатор мырза «елімізде бәрі орыс тілін біледі» – дейді беті бүлк етпей… Симамбаев өзі білсе болды екен да…Ал, миллионға жуық оралмандар мен емге бір орыс таппайтын ауылдардағы (ондай ауылдарды солтүстік қазағы, астаналардан алысқа шықпайтын Симамбаев өмірі көрмесе керек) қазақтарды, өзбектерді қайда қоямыз. Бұлардың саны үш миллион орыстың санынан әлдеқайда асып кетеді. Санақ қанша жерден өзге ұлттар пайдасына бұрмаланса да, бұл белгілі жайт. Сонда 23 пайыз орыстар үшін 77 пайыз өзге халықты жерге ұру керек пе, Симамбаев мырза?

           Өз ана тілі мен мемлекеттік тілді білмейтін министрлер болса ,өздерінің соры, не үйренсін, не қызметін тастасын.

           Кеше Кеден одағына кіру – Кеңес Одағына кіру деп, мыңдаған адам мәлімдеме жасады. Оның ішінде мүйізі қарағайдай саясаткерлер, экономистер, ғалымдар, зиялылар бар. Солардың бәрі сауатсыз екен де, біздің Симамбаев сияқтылар көреген көрінеді. Тасбайың тіпті «бірыңғай валютаға көшу керек» деп, теңгеміздің басына су құюға асығуда…Симамбаев сияқты біздің депутаттар бір күні тәуелсіздігімізді тәрк етіп, «күйсеп» тұра беретін түрі бар.

          Тасбайдың тағы бір орысшылдығы – тың игеруді қазақты өсіру деп, «көрегенділік» көрсетеді де, өшіруге арналған саясатына көрсоқырлық танытады. Тың игерудің астарында қазақтың құйқалы жерін құртумен бірге, шеттен шектен шыққан қылмыскерлерге дейін қаптатып, қазақтың жазира жанын да «жырту», яғни ұлттық тінді, діл мен дінді, тілді құрту екенін қазір сенатор түгілі сауаты бар кез келген оқушы біледі…

         Жалпы қазаққа Тасбай дегеннің кім екенін қысқаша таныстыра кетейік. Әкімшілік алғаш енгізілгенде Солтүстік Қазақстан облысы Сергеев ауданын( Симамбаев кеткен соң Шал ауданы болды) басқарды. Қалай басқарғанын «Мегаполис», «Караван» т.б. газеттерді парақтай қалсаңыз білесіз. Қырғыздың «Принц» деген өндірістік-инвестициялық орталығымен сыбайласып, 3,5 миллион долларды ауданының мойнына ілгені үлкен шу болған. Кейін артына шала байланғандардың Астанаға қашатын әдетімен сенатор болып кетіп жаны қалған. Содан Тасекеңнің тасы өрмелеп, әлі күнге дейін, төрт шақырылымда да сенатор болып келеді… Оның Сергеев ауданын сергелдеңге салған «жыры» бұнымен ғана бітпейді. Қырғызға «кеткен» қыруар қаржыны іздеп, қолды болған мыңдаған гектар жерді даулап, экс-әкімдерін «қауіпті сыбайлас жемқорлар» қатарына қосқан жерлестері Президент

Н. Назарбаевқа дейін ашық хат жазып, біраз шабылды («Мегаполис» газеті). Әйтеуір депутаттық «қалқан» ғана әзірше құтқарып тұрған болса керек.

              Әдеттегідей, қазақ тілі дауысқа түскен сайын қарсы болатын, енді міне, түспесе де, қарсы шыққан сенатор Симамбаевтың жиі қозғап, қолдайтын тақырыптары- депутаттарға зейнетақыны көбейту (қара халық не болса, ол болсын), ақшаны легализациялау ( неғып бітпейтін тығып тастаған ақша ол), шенеуніктердің бизнеспен айналысқан отбасына орден беру (басқаларға бермесе де болады), т.б. қарапайым сайлаушылардың күйіп тұрған талабына үш қайнаса сорпасы қосылмайтын, жеке басын күйттеген бірдеңелер… Осындай, елге, тілге қарсы сауалдармен де, тасбайларға біздің тасмаңдай мемлекетте…   депутат бола беруге болады екен ғой…

            Иә, біздің Қазақстанда бәрі де болады…

 

Қазыбек ИСА

40 ПІКІРЛЕР

  1. «Тасбайдың тағы бір орысшылдығы – тың игеруді қазақты өсіру деп, «көрегенділік» көрсетеді де, өшіруге арналған саясатына көрсоқырлық танытады»
    ……………………………………………………………..Қайран қазақ атын қор қылғандар-ай

  2. «Әлемдегі Қазақстаннан басқа кез-келген елде, қазақтан басқа кез-келген депутат, әрине, есі ауып қалғаны болмаса, барлығы : «Мемлекеттік тіл неге тез қабылданбайды?»-деп сұрақ қояды емес пе?..»
    ………………………………………………. Бұған ше?

  3. «Өткенде, Тасбай Симамбаев деген сенатор Үкімет басшысына сауал тастады. Сауалының түрі – қазақ тілі, яғни, мемлекеттік тіл – тасбайларды да сенатор етіп отырған тасмаңдай мемлекеттің тілі «тез арада қабылданып кетейін деп жатыр» екен… Қорқынышының түрін-ай десеңші…»
    ………………………………………………….Не айтасың бұған?

  4. Енді не істейсің біздің қоғамда асылып өлгеннен пайда жоқ, сен өлме! Бәрібір осы тасақбайлардың жолы болып тұр, аман жүр!

  5. ҚАЗБЕКТІҢ МЫНА МАҚАЛАСЫНАН КЕЙІН ТУП-ТУРА АҚ ОРДАНЫҢ АЛДЫНА БАРЫП АСЫЛЫП ӨЛГІҢ КЕЛЕДІ ЕКЕН!

  6. Тақырыпты да тауып қойыпты. Тасмаңдайлығымыз рас қой. Қайтсін байғұс күйіп кеткен ғой. Өңкей жегенің желкелеріңнен шыққыр атаңа нәлеттер жасымызға жеткізбей өлтіретін шығар.

  7. Тірі болсақ әлі талай сұмдықтарды көріп естиміз. Елдегі жағдай солай ғой. Ресми Конституциялық органның өкілі осылай деп айтса не шара бар. Алжас Омарович Тасбайдың жанында ақылы толыспаған бала екен ғой. Осындай адам сенатта заң шығарады. Осыдан-ақ сенаттың (жалпы керек жоқ буын) парқын біле бер. Қ. Тоқаевтің сарбаздары ғой. Сенатта аз да болса ұлтжанды патриот азаматтар бар ғой. Солар Тасбаймен қалай қол алысып амандасады екен. Ол қазақ халқының бетіне былш еткізіп түкіріп отыр ғой. Тарихымызды мазақ етіп отыр. Азаттық жолында құрбан болған ата-бабаларымызды, Кенесары ханды, кешегі тіпті 86 жылғы боздақтардың аруағын қорлап отыр. Азаттық жолында қазақтар 400-ге жуық көтеріліс жасағанды білмейді ғой мына пақыр. Өзінің суретін қараңыздаршы (өзі қазаққа ұқсамайды), ісінген беті ашу-ызаға толы, біреуде өші бардай. Өші болса оны неге қазақтардан алу тиіс? Жалпы тасбайларды Ар сотымен (суд чести) соттау керек. Ұлтжанды қария ақсақалдардан осындай сот құру керек. Мұндай қазылар алқасы Тасбай, Алжас, Е. Тұрсынов сияқтылардың қазаққа қарсы жасаған жауыздықтарын қарап лағынет айту керек.

  8. Көліктерде, басқа жерлерде қазақша қызмет көрсетпегендерге, жолақысын төлемеу керек. Көліктегілердің 98 пайызы қазақ, кондуктор неге орысша сөйлеуі керек? Ол біздің құқығымызды бұзып отыр.

  9. Неге біз депутаттар, биліктегілер қашан тіл үйренеді екен деп күтіп жүруіміз керек? Тіл білмейтінді біз депутаттыққа,басшылыққа неге аламыз? Биліктегі тіл білмейтіндер жұмыстарын сыпырушыға,қарауылға т.б. ауыстырып 2020, 2030-шы жылдарға дейін өзімен-өзі болып үйрене берсін. Ал олардың орындарын ауыстыратын тіл білетін білімді адамдар барлық сала бойынша бізде жеткілікті.

  10. Көліктерде, басқа жерлерде қазақша қызмет көрсетпегендерге, жолақысын төлемеу керек. Көліктегілердің 98 пайызы қазақ, кондуктор неге орысша сөйлеуі керек? Ол біздің құқығымызды бұзып отыр.

  11. Олардың көбі басымен емес, артымен ойлайды, елдің қамын емес, енектің қамын күйттейді. Одан халыққа не пайда? Соларға салық төлеп асырап жүре береміз де. Сенің тіліңе қалай жаны ашиды?

  12. Билікке пайдалы заңдар күшпен орындалады. Билікке емес қазаққа пайдалылары белден басылады.

  13. Мұндайда биліктің ел халқынан ата заңға адал болуды талап етуге қандай заңды құқығы, моралдық негізі бар?!!!!

  14. Осындайларды іздеп, тауып, депутаттыққа әкелгендердің еңбегі сұмдық, енді. Әй осындай бір жексұрын адамды іздеп табайын десең, жер бетінен итпен іздесең де таба алмайсың ғой. Біздікілер табады. Не деген «көреген» партия еді, шіркін!

  15. «Аузы қисық болса да байдың ұлы сөйлесін» деп аталарымыз тегін айтпаған ғой. Қазір ақшасы барлар жарты құдай. Сондықтан олар халыққа пысқырмайды да, егер өзінің немере-шөберелерінің келешегін, халқының болашағын ойлаған азамат осылай өз ана тіліне қарсы шыға ма?! Қайнайды қаным…

  16. Өзің сайлайсын, өзің қарғайсын. Қарғайтын болсаң неге сайлайсың. Егер сайламадым десен сайлауға қатысып қалағаныңды сайла. Сонда бірдеңе өзгерер. Үйде отыра берсең сен үшін сайлап жібереді. Сосын жылайсын бірақ кеш.

  17. Тақырыпты да тауып қойыпты. Тасмаңдайлығымыз рас қой. Қайтсін байғұс күйіп кеткен ғой. Өңкей жегенің желкелеріңнен шыққыр атаңа нәлеттер жасымызға жеткізбей өлтіретін шығар.

  18. Түрмеде шіріту керек. Ата заңға қайшы осындай қылмыскерлердің жазасы түрме! заң бойынша!

  19. жоқ, өзіне болмаса да, бала шағасына обал болады. тамға тұрғызп қойып қазақша сөйлету керек! АБайды жаттату керек! Мұхтарлар мен Махамбеттерді оқыту керек!

  20. Тамға тұрғызып қойып сенаторлар пен парламент мүшелерін … ! Қазақ тілінің жауы қазақ билігі! Қазақ ұлтының жауы қазақ билігі!

    

  21. Көптен бері мен үшін депутат деген сөз- жаман сөздердің синонимі болып кеткен. Сенат пен Мәжілістегі халықтың жағдайын ойлайтын депутаттардың саны екі қолдың саусақтарынан аса қоймас.

  22. Симамбаевтың бұрынғы істеген жұмытарын мұқият тексеріп, заңды бұзушылықтарын әшкерелеп, құқық қорғау органдарына оны жауапқа тарту туралы арыз жолдау керек. Ұлт тағдарпы, ъалых дабылы, тәуелсіздік қорғаны дегендер не бітіеді, осындай жұмыстар атқармай.

  23. Иә, біздің Қазақстанда бәрі де болады…

    Роботталған елдің билік басында робот тұлғалар отыр. Өйткені оларда елдің көкейіне қонар бірден-бір басқа таңдау жоқ. Тек таңдауы біреу ғана – билік, тек билікке қандай амал болса да қол жеткізу. Сөйлеген сөздері де мұны дәлелдей түседі. Бұл жағымсыз құбылысты Батыс баяғыда-ақ сынға алған. Келіссең де, келіспесең де осы.

  24. Қазыбек Исаның «Тасмаңдай елдің Тасбайлары көп болады» маақаласы мен осы Мәсімовтың мәселесін шешкен сынын орыс тіліне аудару керек. Орыстар білсін, құлдық психологиядан арылмаған бейшара қазақтарды. Сәкен.

  25. Шіркін ұлтына опасыздарды көшеде көптің және өзі сияқтылардың алдында қуалап жүріп басын таспен жарса ғой.Мұндайларды «қағынан жерігендер немес жөргегінен ұрғандар» деп атайды қазақта.Билік басында отырған «Көзқамандар» түбімізге жететін болды-ау.

    Шоң

  26. Өзі Қазақстанның Республикасының сенаторы, өзі Қазақстан Республикасының ата заңындағы ең маңызды бапқа қарсы! Бұл сұмдық емес пе! сонда Қазақ Республикасын Қазақ Республикасына қарсы адамдар билеп, төстеп отырған жоқ па! Не деген сұмдық! Билік өзінің ата заң алдында, ел конституциясы алдында қылмыскер екенін осысымен де дәлелдеп отырған жоқ па!

  27. Заңды заң бұзғандар жазады…Осындайдан кейін не деуге болады? Аузым бар деп ашып, тілім бар деп сөйлейтіндер осы! Тілі жоқ бұлардың!

  28. Депутат мырзалар, қашанғы қазақ халқының тілін мазақ ете бересіздер, ана тілімізде сөйлеуге неге намыстансыздар. Намыс деген ұғым сіздерде бар ма, әлде жоқ па ? Шыдамның да шегі бір, бір күні қырғыздардың жасағандарын біз де жасаймыз….

  29. Мұндай сатқындарды сотқа беру керек. Мәсімовтың да мәселесін сотта қарау керек. Сакен.

Пікір жазу

Пікіріңізді енгізіңіз!
мұнда сіздің атыңызды енгізіңіз