Әбденов кетті, Марченко мыңқ етпеді...
2013 ж. 11 маусым
1208
7
Мемлекет басшысының Жарлығымен Серік Сақбалдыұлы Әбденов ҚР Еңбек және халықты әлеуметтік қорғау министрі қызметінен босатылды, деген хабарды Ақорда өз твиттер-аккаунтында жария етті.
Н.Назарбаевтың Үкімімен вице-министр Т.Дүйсеноваға ҚР Еңбек және халықты әлеуметтік қорғау министрі міндетін уақытша атқару жүктелді.
Сөйтіп, Қазақстан әйелдерінің зейнет жасын өсіру төңірегіндегі дау-дамайға нүкте қойылды. Елбасының аталған заңды Парламетке қайтаруын дүйім ел қанағаттанарлық сезіммен қабылдады.
Әйткенмен, қазақ қоғамын дүр сілкіндіріп, біраз дүрбелеңге түсірген бұл шиеленісті мәселенің басында Ұлттық банктің басшысы Г.Марченко тұрған болатын. Сондықтан, әділдікке жүгінсек, өз қызметінен, алдымен, Г.Марченко кетуі керек еді. Бірақ, тіреуі күшті Марченко мыңқ етпеді... Енді Парламенттің қос палатасынан намысы бар бір азамат табылса, халықтың мүддесіне қайшы заң қабылдағандықтары үшін әріптестеріне өз еріктерімен депутаттық мандаттарын тапсыру жөнінде ұсыныс айтуы керек шығар. Әйткенмен, қазіргі қалаулылардың бойынан мұндай қымбат қасиет табыла қояр ма екен?!.
Айбек БЕСТЕНҚҰЛ