Ядролық соғыс болса аман қалатын 5 мемлекет аталды

Әлемдегі бес елдің ғана ядролық соғыста күн сәулесінің төмендеуіне байланысты жаһандық апаттан аман қалу мүмкіндігі бар. Отаго университетінің жаңазеландиялық ғалымдары осындай қорытынды жасады, - деп хабарлайды Qazaquni.kz тілшісі "Российская газета" басылымына сілтеме жасап.

«Risk Analysis» журналында жарияланған мақалада зерттеу авторлары ядролық қаруды жаппай қолданумен әскери қақтығыс болған жағдайда оқиғалардың қалай дамитынын болжады.

Ядролық жарылыстар атмосфераға шамамен 150 тераграмм күйе бөледі, бұл күн шуақты күндер санының күрт азаюына әкеледі. Бірнеше жыл ішінде бұл ауыл шаруашылығы өндірісін 80 пайызға қысқартып, солтүстік жарты шардың тұрғындары үшін өлімге әкеледі. Ядролық қыс 5-10 жылға созылуы мүмкін.

Тіпті жергілікті ядролық қақтығыс 1,8 градусқа жаһандық салқындауға және бүкіл әлемде азық-түлік тапшылығына әкелуі мүмкін. Тіршілік етудің негізгі факторы елдердің ауылшаруашылық өндірісін сақтау қабілеті болады, дейді зерттеушілер.

Ғалымдардың пікірінше, ядролық апат болған жағдайда кейбір аралдар мен түбектердегі мемлекеттердің әлі де аман қалу мүмкіндігі болады. Зерттеушілер Австралия, Жаңа Зеландия, Исландия, Вануату және Соломон аралдарының тұрғындары өмір сүре алады деп есептейді.