ТЕМІРЛАНДА ТОЙ ӨТТІ ЕЛ ЕСІНДЕ ҚАЛАРДАЙ

Темірланда «Алтын күз» мерекесі мен ауданның 60 жылдығына арналған іс-шара өтті.

Иә, енді соған тоқталайық.

Сол күні, дәлірек айтқанда 1-қарашада ордабасылықтар тойларын ойдағыдай өткізіп алсын дегендей, ауа-райы да жылы, күн ашық болды. Табиғаттың осы мінезі көпшіліктің көңілін көтеріп тас­тағаны шын­дық.

«Ниет дұрыс екен», - десті тойшыл қауым.Аудан әкімі Азат Оралбаев бас­таған ұжым Қажымұқан атындағы об­лыстық спорт мұражайы жа­нын­дағы қақ­падан қонақтарды күтіп алып жатты. Ауданнан тыс жерлерде қызмет еткен жерлестер, зейнетке шығып, бас­қа қалаларға, туған жер­леріне қоныс аударған бұрынғы қызметтестер бір-бірімен «Көріскенімізге қуаныштымыз», «Мереке құтты болсын», «Ауданның 65,70 жылдық тойларына да амандықпен жете берейік», – деп қауышып, бір-бірінің денсаулықтарын сұрасқандары да жарасымды еді. Дидарғанибет деген осы болса керек.

Рысқұлов көшесінің бойындағы ауыл шаруашылығы техника­ла­ры­мен танысқан көпшілік сол маңдағы асыл тұқымды төрт түліктің көрмесін де аралап шықты.

А.Мұсаев көшесі бойына жүгері, алма, асқабақ, қауын, дарбыз секілді күз өнімдері сәнді етіп орналастырылыпты. Көрермендер тамсана тамашалап, кейбіреулері қалта телефондарына түсіріп, таныстарына қуана ха­барлап жатты.

М.Жепаев көшесіне, дәлірек айтқанда Қажымұқан атындағы ста­дионның алдында «Александровский сад», «Қайнар құс», «Бөрте милка», Ордабасы нан», «Ордабасы құс» өнімдері де мерекені тамашалаушыларға кеңінен таныстырылды.

- Осының бәрі біздің ауданның өнімдері ме? – деп сұрады бір қария.

- Иә, - деді орта жастағы азамат.

Кейбіреулер қолдарындағы телефонмен көргендерінен репортаж ретінде хабарлап жатқандары да кездесті. 

Таңертеңгі сағат 11-00-де Қажы­мұқан атындағы стадионда «Алтын күз-2024» мерекесі басталды.

Алғашқы құттықтау сөз аудан әкімі Азат Оралбаевқа берілді. Аудан басшысы ауыл еңбеккерлерінің биылғы ерен еңбектеріне кеңінен тоқталып, ауданның 60 жылдығымен тұспа-тұс келген «Алтын күз» мерекесімен құттықтады. Мұнан соң марапаттау рәсімі басталды.

Ауыл шаруашылығы саласында ұзақ жыл еңбек еткен ардагерлер: темірландық Әріпбаев Қойшыбай, Сағымбеков Медеу, Әбдіқайымұлы Тұран, Төлен Сансызбай, төрткүлдік Толықбекұлы Аман, қараспандық Романқұл Ниятбек, Иманұлы Мырзабек, қарақұмдық Бөлегенов Шаях­мет, Тауасар Тұрман, бөгендік Қалымбет Байыс, бадамдық Ахметов Хайрулла, шұбарлық Мырзақұл Тө­ленді, қажымұқандық Тасболат Жан­ұзақ, шұбарсулық Әсілбеков Алияр, бөржарлық Әлжан Әлімқұл, жеңістік Жайдарбек Рысбек марапатталды.

Шарада аудан басшысы астық өндіруден – Қажымұқан, мақта өндіруден – Төрткүл, ауыл шаруашылығының негізгі капиталына инвестиция тартудан – Шұбарсу, асыл тұқымды қой шаруашылығын дамытудан – Қараспан, бақша өндіруден – Қарақұм, ауылшаруашылығы техникаларын жаңалаудан – Жеңіс, жүгері өндіруден және балық шаруашылығын дамытудан Бөген ауыл округтері озат деп танылды. Агро­өнер­кәсіп кешенінің даму көрсеткіштерін орындаған Бөржар ауыл округі - 1, Шұбар ауыл округі - 2, Бадам ауыл округі 3 орын иегері атанды. Аталған ауыл округтерінің әкімдері марапатқа ие болды. 

Аудан әкімінің Алғыс хаты Төрткүлден «Айдын» шаруа қожа­лы­ғы­ның төрағасы Батырбек Ерланға, Қажымұқаннан «Семей-ата» шаруа қо­жалығының төрағасы Сейдалы Нұрболға, Шұбардан «Береке» шаруа қо­жалығының төрағасы Құдайқұлов Парвизге, Қарақұмнан «Сіргелі-1» өн­дірістік кооператив төрағасы Сәтенов Ардаққа, Бөгеннен «Бөген-2023» ауылшаруашылығы өндірістік кооперативінің төрағасы Еркебаев Көл­байға, Шұбарсудан «Болашақ» шаруа қожалығының төрағасы Сұлтанов Ерланға, Бөржардан «Мырзақасым» өндірістік кооперативінің төрағасы Ахметов Жомартқа, Жеңістен «Мұханбетжан» шаруа қожалығының төрағасы Құрақбай Әскербекке, Бадамнан «Ортай» шаруа қожалығының төрағасы Мыңбосын Ерболатқа, Қараспаннан жеке кәсіпкер Маханбе­тов Бурахан­ға тапсырылды. 

Сондай-ақ Азат Әбдіғалиұлы Шұбардан «Ынтымақ» шаруа қожалығының төрағасы Ахмет Темірбекке, Бөржардан «Батсу Агро» шаруа қо­жалығының агрономы Қошаев Асхатқа, Қажымұқаннан «Ернұр-Айдар» СПК төрағасы Утанбаев Бақытжанға, Қарақұмнан «Асылбек» ша­руа қожалығының төрағасы Тоқмырза Әкім­байға, Бөгеннен «Бақдәулет» шаруа қожалығының төрағасы Жалмұрза Қалдыбайға, Төрткүлден «Құттықыз» шаруа қожалығының төрағасы Спатаев Әбдімәлікке, Шұбарсудан жеке кәсіпкер Жаздықбаев Айдарбекке, Бөржардан «Дархан-2» өндірістік кооператив төрағасы Узбеков Әбділпатаға, Жеңістен «Береке-1» шаруа қожалығының төрағасы Ырыс­бек Нұржанға, Бадамнан «Н-Мейіржан» ауылшаруашылығы өндірістік кооператив төрағасы Сәменов Талғатқа, Қараспаннан «Сәкен-Ы» өндірістік кооператив төрағасы Ысқақ Уәлиханға, аудандық ветеринарлық қызмет МКК директоры Хаджамұратов Бақытжанға, «Республикалық фитосанитарлық диагностикалық және болжамдар әдістемелік орталығы» Түркістан облысы, Ордабасы аудандық филиалының агрономэнтомологы Досов Нұрланға, аудандық аумақтық инспекциясының бас маман өсімдіктерді қорғау және карантин жөніндегі мемлекеттік инс­пекторы Жунисов Сафуанға, аудан­дық аумақтық инспек­ция­сының бас маман мемлекеттік ветеринариялық-санитарлық инспекторы Төлеш Назеркеге, аудандық статистика басқармасының бас маманы Байдүйсенов Жансерікке, «Ордабасы» шаруа қожалығының дирек­торы Хасантаев Хаетуллоға об­лыс­тық ауылшаруашылығы басқармасының басшысы Нұрбек Бадырақовтың Алғыс хатын табыс етті.

Мұнан соң аудандық мәслихат төрағасы Бақдәулет Жұмабеков Шұбардан «Абылай» шаруа қожалығының төрағасы Рысқұлбеков Абылайға, Қажымұқаннан «Нұралы» өндірістік кооперативінің төрағасы Қыдырбаев Ердеске, Қарақұмнан «Қабылтай» шаруа қожалығының төрағасы Қабылтай Алтайға, Бөген­нен «Мақсат» шаруа қожалығының төрағасы Асан Мақсатқа, Төрткүлден «Дастан» шаруа қожалығының төрағасы Өмірбай Дастанға, Шұбарсудан жеке кәсіпкер Асқар­баев Нұрболға, Бөржардан жеке кәсіпкер Оңалбаев Даниярға, Жеңістен «Бекзат» шаруа қожалығының төрағасы Құсбек Сәрсенбайға, Бадамнан «Бадам» өндірістік кооперативі төрағасы Мұсаев Қаныбекке, Қараспаннан «Шира» ЖШС-і директоры Джунусов Ал­тынбекке, аудандық статистика басқармасының бас маманы Дуйсенбиева Жазираға, Бөржардан «Сабыр» шаруа қожалығының төрағасы Әбдіқайыр Елжасқа, «Республикалық фитосанитарлық диагностикалық және болжамдар әдістемелік орталығы» Түркістан облысы, Ордабасы аудандық филиалы лаборанты Орын­ба­сарова Ақеркеге, «Тұран су» шаруа қожалығының МКК су мұраптары Бегман Ғалымжанға, Ақмұрзаев Жәнібекке аудандық мәслихаттың Алғыс хатын тапсырды.

Марапаттаудан соң ордабасылықтар мен қонақтар аудандық мәдениет үйі өнерпаздарының мере­келік концертін тамашалады. 

Бір шетте ұлттық ойын түрлерінен: қошқар көтеру, арқан тарту, қол күресінен, гір тасын көтеруден жарыс өтіп жатты. Сом білекті жігіттердің тартысы қызықты өтті. Олар да марапаттан құр қалған жоқ.

Нүридін ШӘМШІҰЛЫ,

Гүлмира ЕЛБАСИЕВА