КЕЛЕС АУДАНЫНДА ҮЗДІК ШАРУАЛАР МЕН ҚОЖАЛЫҚТАР МАРАПАТТАЛДЫ

Келес ауданының орталығы Абай ауылында ауыл шаруашылығы қызметкерлерінің «Алтын күз - 2024» мерекесі аталып өтті. Мерекеге орай шаруалар мен диқандар азық-түлік өнімдерінің жәрмеңкесінде өз өнімдерін ұсынды. Сондай-ақ, асыл тұқымды мал басының, агросекторға қажетті жаңа техникалардың көрмесі ұйымдастырылды.  

Күзгі жиын-терім науқанының қорытынды көрсеткіші айқындалатын мерекеде аудан әкімі Жәнібек Ағыбаев, аудандық мәслихат депутаттары, ауыл шаруашылығы саласының ардагерлері, үкіметтік емес ұйымдардың өкілдері және БАҚ өкілдері қатысты.

Салтанатты жиында аудан әкімі Жәнібек Есенұлы жыл бойы адал еңбегімен өз саласында жетістікке жеткен үздік шаруа қожалықтарын, ауыл округ әкімдіктерін, үздік ауыл шаруашылық мамандарын марапаттады. Жиын соңы аудандық мәдениет үйі өнерпаздарының концерттік бағдарламасына ұласты.