Астанада Димаш Құдайбергеннің концерті өтеді

Астанада Димаш Құдайбергеннің концерті өтеді.

Ticketon.kz билет операторының мәліметі бойынша, Димаш Құдайбергеннің Астанадағы STRANGER атты жеке концертіне тек қазақстандықтар ғана емес, Азия, Еуропа, Африка, Солтүстік және Оңтүстік Американың 50 елінен 9 мыңнан астам көрермен жиналады.

Көпшіліктің сұранысы бойынша STRANGER шоуы 13 қыркүйекте ғана емес, сонымен қатар келесі күні де өтеді.

- Сіздерді 13 және 14 қыркүйекте «Astana Arena» стадионына шақырамыз. Музыка арқылы бірлік пен татулық көңіл күйін қалыптастыру үшін қолдарыңызда өз мемлекеттеріңіздің шағын туын немесе мемлекеттік рәміздер нышанын ұстап жүрсеңіздер - Димаш шығармашылығына деген құрметтің ерекше белгісі болар еді, - дейді ұйымдастырушылар.