Сарыағашта Ұлы Отан соғысы ардагеріне құрмет көрсетілді.
2024 ж. 12 мамыр
514
0
![Сарыағашта Ұлы Отан соғысы ардагеріне құрмет көрсетілді.](/uploads/2024/07/668f60aece1f4_b.jpg)
Сарыағаш ауданының әкімі Арман Абдуллаев, аудандық мәслихат төрағасы С. Тасқұлов, аудандық ардагерлер кеңесінің төрағасы М. Сүлейменов, Сарыағаш аймағы бойынша ауданаралық сыбайлас жемқорлыққа қарсы іс қимыл басқармасының басшысы А. Түлендиев 9 мамыр – Жеңіс күні мерекесі қарсаңында аудан тұрғыны, Ұлы Отан соғысының ардагері, 101 жастағы қария Ишхонов Эрмоханның үйіне арнайы барып, мерекемен құттықтады.
Аудан басшысы ардагерлерге және оның отбасына амандық- саулық тілеп, құттықтау қағазы мен қосымша демеушілер есебінен арнайы 1 млн теңге қаржылай сыйлық табыстады. Ардагер құрмет көрсетуге келген қонақтарды қуана қарсы алып, өзінің майдан даласындағы кешкен қиыншылықтарынан сыр шертіп, қан майдандағы шайқастарын, қарулас достарын еске алды. Сөз соңында жас ұрпаққа бейбіт өмір мен амандық тілеп алғысын айтып, ақ батасын берді.
Ардагер 1923 жылы 1 қаңтарда Ташкент облысы, Калинин ауданында дүниеге келген. 1942 жылы 5 мамырда әскер қатарына шақырылып, соғысқа аттанған. І дәрежелі «Отан соғысы», «КСРО Гвардиясы» орденімен, «Мінсіз қызмет атқарғаны үшін», «Украинаның 50 жылдығы», «Ерлігі үшін» және т.б. медальдармен марапатталған. Ардагер 4 ұл мен 3 қыздан 33 немере, 49 шөбере, 6 шөпшек сүйіп отыр.