Депутат Әбілдаевтың сөздері “Ақ жол” партиясының позициясына қарама-қайшы - партия президиумы

Депутат А.Әбілдаевтың мәселесі ертең партияның Ұлттық Кеңесінде қаралады.

Бұл туралы партия төрағасы Азат Перуашев телеграм арнасында хабарлады. 

***

Депутат А.Әбілдаевтың Украинадағы соғыс туралы сөздері бойынша “Ақ жол” партиясы президиумының хабарламасы. 

1. А.Әбілдаевтың сөздері “Ақ жол” партиясының позициясына қарама-қайшы және сонымен қатар партиялық және де депутаттық этиканы да бұзып тұр.

2. “Ақ жол” партиясы қашан да Республикамыздың және басқа да дос мемлекеттердің тәуелсіздігі мен жер тұтастығын құрметтейді және қолдайды.

3. Депутаттардың тәртіптік мәселесін қарастыру партияның Ұлттық кеңесінің құзыретіне кіретіндіктен, депутат А.Әбілдаевтың сөздеріне саяси баға беру және мәселесін қарау үшін ертең партияның Ұлттық Кеңесінің пленумы шақырылуда.  

“Ақ жол” партиясы төрағасы А.Перуашев