Шымкентте бес жігіт кәмелетке толмаған қызды зорлаған

Шымкент қаласының бала құқықтары жөніндегі уәкілі Жаннета Жазықпаева Elitar.kz порталына бес жігіттің кәмелетке толмаған қала тұрғынын зорлауының мән-жайын айтып берді, - деп хабарлайды Tengrinews.kz . 

Жазықбаева бала құқықтары жөніндегі омбудсмен ретінде Шымкент полициясынан толық ақпарат сұрағанын айтты. 

Ведомство берген анықтамаға сәйкес, қыздың анасынан зорлық-зомбылық фактісі туралы арыз тамыз айында Абай аудандық полиция бөліміне келіп түскен. 

"...08.08.2022 2003 жылы туылған Ш. есімді бейтаныс жігіт өзінің пәтерінде түнеуді ұсынып, оның жасы 16-ға толмағанын біле тұра жыныстық қатынасқа түскен.  Бұл факт 2022 жылы ҚР ҚК 122-бабының 1-бөлігінде көзделген қылмыстық құқық бұзушылық белгілері бойынша ОҚБК-не тіркелді», - деді Жазықбаева. 

12 қазанда жәбірленушіге сот-медициналық және сот-психиатриялық сараптама жүргізілді. Қазір тергеу амалдары жүргізілуде. 

Бала құқықтары жөніндегі уәкіл сондай-ақ күдіктілердің 2003-2004 жылдары туған Шымкент қаласы мен Түркістан облысының тумалары екенін түсіндірді.