Әзірбайжан әскері көзін жойған армян сарбаздарының фотолары тарады

Әзірбайжан мен Армения арасында шекаралық аймақта тағы қақтығыс орын алды. 

Салдарынан Арменияның 49 сарбазы қаза тапты. Бұл туралы Армения премьер-министрі Никол Пашинян парламентте сөйлеген сөзінде мәлімдеді. Оның айтуынша, бұл әзірге соңғы сан емес. 

Армения қарулы күштерінің шығыны одан көбірек, деп хабарлайды Manset.az Milli.Az-ға сілтеме жасап. 

Еревандағы ауруханаларда кемінде 78 жаралы бар екені баса айтылды. Олардың 24-інің жағдайы ауыр. 

Қаза болған армян сарбаздарына келсек, армяндардың әлеуметтік желіде жазғандарына қарағанда, олардың саны 65-ке жеткен. 

Әзірге Арменияның Қорғаныс министрлігі шығынға қатысты ресми мәлімдеме жасаған жоқ.