Бірқатар азамат «Қазақстанның Еңбек Ері» атағын алды

Аса үздік жетістіктері үшін бірқатар азаматқа «Қазақстанның Еңбек Ері» атағы беріліп, айрықша ерекшелік белгісі – Алтын жұлдызды және «Отан» орденін тапсыру туралы ҚР Президентінің Жарлығы шықты. "Қазақ үні" бұл туралы Ақордаға сілтеме жасап хабарлайды.

ҚАУЛЫ ЕТЕМІН:

1. Қазақстан Республикасының әлеуметтік-гуманитарлық дамуындағы аса үздік жетістіктері үшін:

жоғары дәрежелі ерекшелік белгісі – «Қазақстанның Еңбек Ері» атағы беріліп, айрықша ерекшелік белгісі – Алтын жұлдыз тапсырылсын:

Әшімов Әкім Ұртайұлы – жазушы, Нұр-Сұлтан қаласы.

2. Қазақстан Республикасының денсаулық сақтау саласын дамытудағы және өндірістік қызметтегі аса үздік жетістіктері үшін:

жоғары дәрежелі ерекшелік белгісі – «Қазақстанның Еңбек Ері» атағы беріліп, айрықша ерекшелік белгісі – Алтын жұлдыз бен «Отан» ордені тапсырылсын:

Төлетаев Мұхтар Есенжанұлы – «Онкология орталығы» МКК бас дәрігері, Нұр-Сұлтан қаласы

Хмелев Александр Леонидович – «Казцинк» ЖШС бас директоры, Шығыс Қазақстан облысы.

3. Осы Жарлық қол қойылған күнінен бастап қолданысқа енгізіледі.

Қазақстан Республикасының

          Президенті Қ.Тоқаев

Нұр-Сұлтан, Ақорда, 2021 жылғы 13 желтоқсан

              № 711