Түркияда лира құлдырағаннан кейін үкімет отставкасы талап етілді

Түрік лирасы құлдырағаннан кейін Ыстамбұл мен Анкарада наразылық шаралары өтті. Шеруге шыққандар үкіметтің отставкаға кетуін талап етті, - деп хабарлайды Tengrinews.kz тілшісі РИА Новостиге сілтеме жасап.

Деректерге сүйенсек, көп адам Туркияның қазіргі президенті Режеп Тайып Ердоған үкіметінің отставкаға кетуін және биліктегі Әділет және даму партиясын кетіруді талап етіп, көшелерге шықты. Полицейлер демонстранттарды тарату үшін шара қолданып жатқаны айтылды.

Айта кетейік, сейсенбі, 23 қарашада түрік лирасының долларға шаққандағы бағамы рекорд көрсеткішке жетті. Түрік валютасы 5 пайызға әлсіреп, АҚШ долларына шаққандағы 11,9990 және еуроға қатысты 13,4035-ке дейін ең төменгі деңгейге жетті.