Тоқаев Ердоғанның жеке дәрігеріне алғыс айтты

Түркиядағы Қазақстан елшісі Қасым-Жомарт Тоқаевтың атынан түрік депутатына қазақстандық сәбиді құтқарғаны үшін алғыс хат табыс етті, деп хабарлайды zakon.kz.

Түркиядағы Қазақстанның елшісі Абзал Сапарбекұлы Қазақстан Президентінің атынан түрік депутаты Реджеп Шекерге шын жүректен ризашылығын білдірді, деп хабарлайды "Хабар 24". Түрік саясаткері Қазақстан мен Түркия арасындағы ынтымақтастықты кеңейту үшін барлық күш-жігерін жұмсауға уәде берді.

Біз сәбидің отбасымен байланыс ұстап отырмыз. Бірнеше күн бұрын бізге видео да келіп жетті. Ол өсіп, жақсарып қалыпты, әрине қуанып қалдық. Бұл оқиға біздің елдеріміз арасындағы бауырластық және достық қатынастарды көрсетеді. Мен Қазақстан Президентіне маған көрсеткен ықыласы үшін алғыс айтқым келеді, - деді Реджеп Шекер.

Ұшақ бортында қазақ баласы наурыз айында құтқарылған болған. Бішкектен Ыстамбұлға ұшып бара жатқанда сәби жүрек талмасына ұшырады. Ұшақта Түркия Президентінің жеке дәрігері болғаны белгілі болды. Ол балаға жасанды жолмен ауа беріп, жүрегіне массаж жасады, содан кейін бала кеңінен тыныстай бастады. Ұшақ жедел түрде Анкараға қонды, ол жерде бала бірден ауруханаға жатқызылды.