«Ақ жол» шетелдік мұнай инвесторларынан ел экономикасына қосатын үлестерін іске асыруын талап етті
2021 ж. 24 ақпан
789
0
«Ақ жол» депутаттары шетелдік мүнай инвесторларынан Қазақстан экономикасына қосатын үлестерін көп созбай іске асыруын талап етеді. Бұл туралы бүгін Мәжілістің жалпы отырысында фракция депутаты Серік Ерубаев тиісті депутаттық сауалында мәлім етті.
ҚР Энергетика министріне
30 қарашада Үкімет, мұнай-газ саласындағы жергілікті қамту үлесін арттыруға арналған маңызды бастаманың бірі Халықаралық мұнай-газ машина жасау және дамыту бойынша орталығын құру бойынша шетелдік инвесторларымен Меморандумға қол қойды. Бұл орталық сервистік компанияларға жергілікті өндірушілерге 3 ірі оператордың (NCOC, КПО және ТШО) қажеттіліктері үшін тауарларды өндіруде және қызметтерді жеткізуде жергілікті компаниялардың қатысуына мүмкіндік береді. Екіншісі, ол «Шеврон» компаниясымен жергілікті қамтуды дамыту үшін тікелей инвестициялық қорын құру. Министрдің айтуынша, «Шеврон» компаниясы өзінің Қазақстан Республикасы алдындағы қайта инвестициялау міндеттемелері шеңберінде 248,5 миллион доллар бөлуді жоспарлап отырғанын, сондай ақ, қаржы үш бағыт бойынша салынатынын айтты:- Технологиялар және IT технологиялар,
- Негізгі тауарларды өндіру және мұнай-газ секторына арналған жабдықтардың жекелеген түрлерін құрастыру
- Қоршаған ортаны қорғау.
- Халықаралық мұнай-газ дамыту бойынша машина жасау Орталығының нақты ашылу кезеңдерімен даму мерзімдері туралы, және бүгінгі күнге дейін осы Орталыққа қай шетелдік инвесторлар қанша қаражат құйғаны бойынша ақпарат беруіңізді сұраймыз.
- Жергілікті қамтуды дамыту үшін тікелей инвестиция қорының қаражаты қайда және қалай жұмсалатыны туралы ақпарат ұсынуды.
- Қордың Басқарушы компаниясын іздестіру мен инвестициялық саясаты бойынша қандай жұмыстар атқарылуда?