Қазақстандық олигарх Алиджан Ибрагимов қайтыс болды

Қазақстандың Форбс мәліметі бойынша еліміздегі ең бай 5 миллиардердің қатарына кіретін ERG құрылтайшыларының бірі Алиджан Ибрагимов 67 жасында қайтыс болды, деп хабарлайды "Қазақ үні".

Алиджан Ибрагимов - ERG компаниясының ірі акционері. Ол 1953 жылы 5 маусымда дүниеге келген. Алиджан Ибрагимов 1974 жылы Мәскеу ветеринарлық академиясын «өнеркәсіптік тауарлар өндірісі мен саудасын ұйымдастыру экономикасы» мамандығы бойынша тәмамдады. Бірқатар жеңіл өнеркәсіп кәсіпорындарының экономисі және басшысы болып жұмыс істеді. «Невада-Семей» АҚ бас директоры, басқарма төрағасы, кейін президенті болды.

1995-2000 жылдар аралығында Еуразиялық банк директорлар кеңесінің төрағасы болды. 2001-2007 жылдары Қазақстанның тау-кен металлургия саласының флагмандарын біріктірген Еуразиялық өнеркәсіптік қауымдастық президиумының мүшесі болды, ал 2002-2007 жылдар аралығында «Қазхром «ТҰК« АҚ-ны басқарды.

«Қазақстан алюминийі« АҚ директорлар кеңесінің төрағасы болды. Қазақстанның әлеуметтік-экономикалық дамуына қосқан зор үлесі үшін «Құрмет» орденімен марапатталған.

III дәрежелі «Парасат» және «Барыс» ордендерімен марапатталған. Сондай-ақ бизнесті дамытуға және меценаттыққа қосқан елеулі үлесі үшін басқа елдердің қоғамдық ұйымдарының үкіметтік наградалары мен ордендерін алған.