Мемлекеттік сыйлықты беру жөніндегі комиссияның қорытынды отырысы өтті

0
139

Бүгін ҚР Мемлекеттік хатшысы Қырымбек Көшербаевтың төрағалығымен Қазақстан Республикасының әл-Фараби атындағы ғылым мен техника саласындағы мемлекеттік сыйлығын беру жөніндегі комиссияның қорытынды отырысы өтті, деп хабарлайды «Қазақ үні» Ақордаға сілтеме жасап.

Әл-Фараби атындағы мемлекеттік сыйлық ғылым мен техника қайраткерлерінің қоғам мен мемлекет алдындағы еңбегін жоғары тану болып табылады.

Биыл мемлекеттік сыйлықты алу үшін барлығы 6 жұмыс түскен. Алдын ала іріктеуден кейін екінші кезеңге 3 жұмыс өтті.

Отырыс қорытындысы бойынша комиссия әл-Фараби атындағы мемлекеттік сыйлықты беру үшін жұмыс тізімін бекітті.

Келесі кезеңде 2020 жылғы Қазақстан Республикасының әл-Фараби атындағы ғылым мен техника саласындағы мемлекеттік сыйлығын беру туралы Қазақстан Республикасы Президенті Жарлығының жобасы әзірленетін болады.

Пікір жазу

Пікіріңізді енгізіңіз!
мұнда сіздің атыңызды енгізіңіз